Carlow konderria

Carlow konderria
Irlandako Errepublika
Administrazioa
Estatu burujabe	Irlandako Errepublika
Province of Ireland	Leinster
ISO 3166-2	IE-CW
Hiriburua	Carlow
Zatiketa	ikusi Carlow (en) eta Muine Bheag (en)
Geografia
Koordenatuak	52°40′00″N 6°50′00″W
Azalera	897 km²
Mugakideak	Kildareko konderria, Wicklowko konderria, Kilkennyko konderria, Laoiseko konderria eta Wexfordeko konderria
Demografia
Biztanleria	56.875 (2016)
Dentsitatea	63,41 bizt/km²
Ordu eremua	UTC±00:00
Matrikula	CW
carlow.ie

Carlow konderria (gaeleraz Contae Cheatharlach) Irlandako hego-ekialdean dago kokatuta, Leinsterreko probintzian. 896 km2-ko azalera dauka eta 54.612 biztanle zituen 2011an. Carlow/Ceatharlach dauka hiriburu eta hiri nagusia.

Herriak

• Carlow/Ceatharlach (13.698 biztanle), hiriburua
• Tullow/An Tulach (3.972)
• Muine Bheag/Bagenalstown (2.532)
• Nurney/Urnaí Nurnai (2.039)
• Borris/An Bhuiríos (1.011)

Historia

Giza presentzia konderrian antzinakoa da, honen adierazgarri dira hainbat aurrehistoriako aztarna, besteak beste Brownshill trikuharria.

VII mendean iritsi zen kristautasuna lur hauetara. 630 urtean elizaren sinodo bat ere izan zen Carlowen. Batzar honetan Aste Santuaren datak zehaztu ziren.

Erdi Aroan Leinsterreko konderri palatinoaren parte izan zen, baina 1306an banatu eta konderri bereizia osatu zuen. Garai hartan bere lurrak ekialderantz kostalderaino iritsen ziren baina 1606 eta 1607an Wicklowko konderriarekin izandako borroken ondorioz kostaldeko lurrak galdu zituen. Gaur egun Leinster probintziako bigarren konderri txikiena da.

Ondasun nabarmenak

• Carlowko gazteluaren aztarnak
• Ducketts Grove jauregiaren aztarnak
• Brownshill trikuharria

Pertsona ezagunak

• John Tyndall (1820-1893), fisikaria

Kirolak

Carlowko konderriko taldeek ez dute emaitza aipagarririk izan ez joko gaelikoetan ez eta futbolean ere, nahiz eta F.C. Carlow taldea Irlandako futbol ligako lehen mailan ari den.

Aipatzea merezi duena 1903an izan zen moto lasterketa bat da, izan ere Erresuma Batuan izan zen lehen nazioarteko moto lasterketa izan baitzen (kontuan izan garai hartan Irlanda Erresuma Batuaren parte zela). Gordon Bennett Cup izena izan zuen eta uztailaren 2an jokatu zen. Ibilbideak 528 kilometro zituen eta "8" itxura zeukan. Kildare, Laois eta Carlowko konderriak zeharkatu zituen eta irabazlea Camille Jenatzy belgikarra izan zen.

Iruditegia

• 
  Carlowko gaztelua
• 
  Ducketts Grove
• 
  Brownshill trikuharria
• 
  Barrow ibaia

Kanpo estekak

• Konderriko webgune ofiziala
• Co Carlow Football Club

• Datuak: Q181882
• Multimedia: County Carlow / Q181882

 Connacht

Galway konderria • Leitrim konderria • Mayo konderria • Roscommon konderria • Sligo konderria

Munster

Clare konderria • Cork konderria • Kerry konderria • Limerick konderria • Tipperary konderria • Waterford konderria

Leinster

Dublin konderria • Carlow konderria • Kildare konderria • Kilkenny konderria • Laois konderria • Longford konderria
Louth konderria • Meath konderria • Offaly konderria • Westmeath konderria • Wexford konderria • Wicklow konderria

Ulster

Antrim konderria** • Armagh konderria** • Cavan konderria • Derry konderria** • Donegal konderria • Down konderria**
Fermanagh konderria** • Monaghan konderria • Tyrone konderria****

**Ipar Irlandako konderriak (Gainontzekoak Irlandako Errepublikaren barnean daude).

Irlandako banaketa administratiboa