1969ko Eurovision Abesti Lehiaketa
1969ko Eurovision Abesti Lehiaketa | |
---|---|
Finala | Martxoak 29, 1969 |
Egoitza | Teatro Real, Madril |
Aurkezlea(k) | Laura Valenzuela |
Antolatzailea | Televisión Española (TVE) |
Partaide kopurua | 16 |
Irabazlea | "Vivo cantando" Salomé ![]() "Boom Bang-a-Bang" Lulu ![]() "Un jour, un enfant" Frida Boccara ![]() "De troubadour" Lenny Kuhr ![]() |
1969ko Eurovision Abesti Lehiaketa, Eurovision Abesti Lehiaketaren 14. edizioa izan zena, Madrilgo Errege Antzokian ospatu zen. Aurkezlea Laura Valenzuela izan zen, lehiaketaren amaieran lau herrialderen arteko puntu berdinketa ikustean non sartu ez zekiela. Berdinduta geratu ziren lau ordezkariak Espainiako Salomé abeslari katalanak "Vivo cantando" abestiarekin, Erresuma Batuko Lulu "Boom Bang-a-Bang" abestiarekin, Herbehereetako Lenny Kuhr "De troubadour" abestiarekin eta Frantziako Frida Boccara "Un jour, un enfant" abestiarekin izan ziren.
Lehen aldiz gertatu zen berdinketa bat lehen postuan, eta ez zegoen inongo araurik berdinketa hausteko, arauek "botu gehien jasotako telebistak edo telebistek" irabazten zutela adierazten baitzuten. Horregatik, berdinduta geratu ziren lau herrialdeak garailetzat jo ziren, sariak emateko orduan zailtasunak eragin zituena. Zuzenean, lau abeslariei prestatuta zeuden lau sariak eman zitzaizkien (konposatzailea, letra egile, orkestra zuzendari eta interpreteari zegozkienak), eta lehiaketaren ondoren lau ordezkaritzen gainontzekoei eman zitzaizkien.
Austriak ez zuen parte hartu Espainiara abesle bat bidaltzeko bere ezezkoa zela eta, Francisco Francoren erregimenaren aurkako protesta bezala. Bestalde, Liechtensteingo printzerriak parte hartzeko interesa izan zuen ("Un beau matin" izeneko kantua ere aukeratu zuelarik), baina irrati-telebista publiko propiorik ez zuenez, parte-hartzea ukatu egin zitzaion. Ordezkaritzaren batzuk preso politiko batzuen askapena eskatu zioten espainiar gobernuari kantatzera etortzeko, eta Salomék TVEn 2004an esan zuenez, hala egin zen.
Salvador Dalík antolakuntzarekin lan egin zuen, lehiaketaren kartel ofiziala eta publizitate material guztia, eta baita eszenatoki erdian jarritako eskultura metalikoa ere diseinatu zituelarik. Ekitaldiaren ekoizpen eta antolaketa erronka bat izan ziren garai hartako TVErentzat, hau izan zelarik koloretan egin zuen lehen telebista ekoizpena.
Lehiaketa
[aldatu | aldatu iturburu kodea]Herrialde parte-hartzaileetako abeslariak, herrialdearen arabera, barne aukeraketa bidez edo otsailaren bigarren erdia eta martxoko hasieran ospatu ziren final nazionalen bidez aukeratu ziren.
Aurreko urteetan jada parte hartu zuten bost abeslari aukeratu ziren. Romualdek, Luxenburgoren ordezkaria zena, 1964an jada parte hartu zuen, kasu honetan Monako ordezkatuz. Edizio honetan Mendebaldeko Alemania ordezkatu zuen Siw Malmkvistek 1960an Suedia ordezkatu zuen. Simone de Oliveirak bigarren aldiz ordezkatu zuen Portugal 1965ean beste horrenbeste egin ondoren, eta Louis Neefsek ere bigarren aldiz ordezkatu zuen Belgika, lehen aldiz 1967an parte hartu ondoren. Bi urte horietan jada ordezkatu zuen Norvegia Kirsti Sparboek, hau bere hirugarren parte-hartzea zelarik.
Jean Jacques, Monakoko ordezkaria, lehiaketako abeslaririk gazteenetako bat izan zen, hamabi urte baino ez baitzituen. Irlandak lehen aldiz aukeratu zuen Ipar Irlandako ordezkari bat, Muriel Day.
Hurrengo taulan ikus daitezke partaide guztiak abestu zuten orden berdinean, eta lortutako emaitzak:
Ordena | Herrialdea | Hizkuntza(k) | Artista | Abestia | Euskarara itzulpena | Postua | Puntuak |
---|---|---|---|---|---|---|---|
01 | ![]() |
kroazieraz | Ivan & 4M | "Pozdrav svijetu" | Goraintziak munduari | 13 | 5 |
02 | ![]() |
frantsesez | Romuald | "Catherine" | — | 11 | 7 |
03 | ![]() |
gazteleraz | Salomé | "Vivo cantando" | Kantari bizi naiz | 1 | 18 |
04 | ![]() |
frantsesez | Jean Jacques | "Maman, Maman" | Ama, Ama | 6 | 11 |
05 | ![]() |
ingelesez | Muriel Day | "The Wages of Love" | Maitasunaren soldatak | 7 | 10 |
06 | ![]() |
italieraz | Iva Zanicchi | "Due grosse lacrime bianche" | Bi malko zuri handi | 13 | 5 |
07 | ![]() |
ingelesez | Lulu | "Boom Bang-a-Bang" | — | 1 | 18 |
08 | ![]() |
nederlanderaz | Lenny Kuhr | "De troubadour" | Trobalaria | 1 | 18 |
09 | ![]() |
suedieraz | Tommy Körberg | "Judy, min vän" | Judy, nire laguna | 9 | 8 |
10 | ![]() |
nederlanderaz | Louis Neefs | "Jennifer Jennings" | — | 7 | 10 |
11 | ![]() |
alemanieraz | Paola Del Medico | "Bonjour, Bonjour" | Kaixo, kaixo | 5 | 13 |
12 | ![]() |
norvegieraz | Kirsti Sparboe | "Oj, oj, oj, så glad jeg skal bli" | Ai, ai, ai, zein zoriontsua izango naizen | 16 | 1 |
13 | ![]() |
alemanieraz | Siw Malmkvist | "Primaballerina" | — | 9 | 8 |
14 | ![]() |
frantsesez | Frida Boccara | "Un jour, un enfant" | Egun bat, haur bat | 1 | 18 |
15 | ![]() |
portugesez | Simone de Oliveira | "Desfolhada portuguesa" | Portugaldar hostosoildua | 15 | 4 |
16 | ![]() |
finlandieraz | Jarkko & Laura | "Kuin silloin ennen" | Garai haietan bezala | 12 | 6 |
Bozketa taula
[aldatu | aldatu iturburu kodea]
Aurrekoa 1968ko Eurovision Abesti Lehiaketa ![]() |
Eurovision Abesti Lehiaketa 1969ko martxoak 29 |
Ondorengoa 1970eko Eurovision Abesti Lehiaketa ![]() |
Kanpo estekak
[aldatu | aldatu iturburu kodea]- (Ingelesez)Eurovision 1969 lehiaketa webgune ofizialean
Erreferentziak
[aldatu | aldatu iturburu kodea]
Eurovision Abesti Lehiaketaren edizioak |
1956 •
1957 •
1958 •
1959 •
1960 •
1961 •
1962 •
1963 •
1964 •
1965 •
1966 •
1967 •
1968 •
1969 •
1970 •
1971 •
1972 •
1973 •
1974 •
1975 •
1976 •
1977 •
1978 •
1979 •
1980 •
1981 •
1982 •
1983 •
1984 •
1985 •
1986 •
1987 •
1988 •
1989 •
1990 •
1991 •
1992 •
1993 •
1994 •
1995 •
1996 •
1997 •
1998 •
1999 •
2000 •
2001 •
2002 •
2003 •
2004 •
2005 •
2006 •
2007 •
2008 •
2009 •
2010 •
2011 •
2012 •
2013 •
2014 •
2015 •
2016 •
2017 •
2018 •
2019 •
|
Besteak |