Alfredo Espinosa
Alfredo Espinosa | |||||||
---|---|---|---|---|---|---|---|
1936ko urriaren 9a - 1937ko ekainaren 24a - Eliodoro de la Torre →
| |||||||
Bizitza | |||||||
Jaiotza | Bilbo, 1903 | ||||||
Herrialdea | ![]() | ||||||
Heriotza | Gasteiz, 1937ko ekainaren 24a (33/34 urte) | ||||||
Hobiratze lekua | Santa Isabel hilerria | ||||||
Heriotza modua | : execution (en) ![]() | ||||||
Hezkuntza | |||||||
Hizkuntzak | gaztelania | ||||||
Jarduerak | |||||||
Jarduerak | politikaria | ||||||
Sinesmenak eta ideologia | |||||||
Alderdi politikoa | Unión Republicana |
Alfredo Espinosa Oribe (Bilbo, 1903ko irailaren 6a - Gasteiz, 1937ko ekainaren 26a) euskal herritar politikari errepublikarra eta medikua zen. Eusko Jaurlaritzako Osasun Sailburua, frankistek erail zuten Gerra Zibilean.
Biografia
[aldatu | aldatu iturburu kodea]Medikuntza ikasi zuen Madrilgo Unibertsitatean, non Alfonso XIII. eta Miguel Primo de Rivera Erregimenen aurkako ikasle-taldeetan parte hartu zuen. 1926an ikasketak bukatu zituenean, Bilbora itzuli eta erradiologia saileko nagusi izendatu zuten Basurtuko Ospitalean.
1931ko apirilaren 12an zinegotzi hautatua, Espainiako Bigarren Errepublika aldarrikatu eta berehala, Bizkaiko Foru Aldundiko Biltzar Kudeatzaileko kide bihurtu zen. Gero Burgos eta Logroñoko Gobernadore Zibila izango zen. 1934an Unión Republicana sortu zenean, Bizkaiko presidente bihurtu zen eta Gerra Zibila hasi ondoren, Bizkaiko Defentsa Biltzarraren Komunikazio Delegatu izendatu zuten 1936ko abuztuan eta gero Eusko Jaurlaritzako Osasun Sailburu.
Bere agintaldian (1936ko urritik 1937ko ekainera) Euskal Autonomia Erkidegoko Gurutze Gorriaz, baserri-higienez, laguntza sozialaz eta Bilboko Unibertsitatean Medikuntza Fakultatea sortzeaz arduratu zen. Errepresio arbitrarioa saihesteari ere ekin zion.
1937ko ekainaren 21ean, hegazkinez Frantziako Tolosatik Santanderrera bidaiatzen hasi zela, Eusko Gudarostearekin biltzeko, abioiak Zarauzko hondartzan lurrartu zuen, José María Yanguas pilotuaren saldukeriagatik. Frankistek atxilotu eta Gasteizko kartzelara eraman zuten. Epaitua herioz-zigorra jaso zuen "altxamenduarekin bat egiteagatik". 1937ko ekainaren 26an erail zuten, atxilotu eta bost egun geroago.
Bere omenez izendatu zuten Urdulizko ospitalea Alfredo Espinosa Ospitalea modura.
Bibliografia
[aldatu | aldatu iturburu kodea]- "Comment est mort un ministre basque". Euzko Deya. La Voz de Euzkadi. La Voix des Basques, Paris, III.urtea, 131.zk., 1938ko urriaren 23an.
Ikus, baita ere
[aldatu | aldatu iturburu kodea]Kanpo loturak
[aldatu | aldatu iturburu kodea]- (Gaztelaniaz) Auñamendi Entziklopedia
- (Gaztelaniaz) Eusko Jaurlaritzaren akordioa lehenengo Jaurlaritzako kideak omenduz
- (Gaztelaniaz) Agirre lehendakariari bidalitako eskutitza erahila izan baino lehenago.
![]() |
Eusko Jaurlaritzako sailburuak (1936) | ![]() |
---|---|---|
Jose Antonio Agirre (Lehendakaritza) • Jesus Maria Leizaola (Lehendakariordetza eta Justizia eta Kultura) • Telesforo Monzon (Herrizaintza) • Eliodoro de la Torre (Ogasuna) • Santiago Aznar (Industria) • Juan de los Toyos (Lana, Aurreikuspen eta Komunikazioa) • Juan Gracia (Laguntza Soziala) • Ramon Maria Aldasoro (Merkataritza eta Hornikuntza) • Juan Astigarrabia (Herri Lana) • Alfredo Espinosa (Osasuna) • Gonzalo Nardiz (Nekazaritza eta Arrantza) |