Aotearoa
Appearance
Aotearoa, Zeelanda Berriaren gaur egungo maorierazko izendapena da. XIX. mendearen erdialdean erabiltzen hasi zen, jatorrizko esanahia ezezaguna da, baina izendapena maorierazko hitz hauetan banatu daiteke: ao ('laino', 'egunsenti', 'egunargi' edo 'mundu'), tea ('zuri', 'garbi' edo 'distiratsu') eta roa ('luze').
Berez, maoriek izendapen hau Ipar uhartea izendatzeko bakarrik erabiltzen zuten, bi uharteak nahiz herrialde osoa izendatzeko Aotearoa me Te Waipounamu ("Ipar uhartea eta Hego uhartea") eraibiliz, baina denboraren poderioz lehen izendapena nagusitu da. Europarren ailegatzea aurreko garaian maoriek ez zuten herrialde osoa izendatzeko izendapenik.