Jean de La Bruyère
Jean de La Bruyère | |||||
---|---|---|---|---|---|
![]() | |||||
1693 - 1696 ← Pierre Cureau de La Chambre (en) ![]() ![]()
1673 - 1686 | |||||
Bizitza | |||||
Jaiotza | Paris, 1645eko abuztuaren 16a | ||||
Herrialdea | ![]() | ||||
Lehen hizkuntza | frantsesa | ||||
Heriotza | Versailles, 1696ko maiatzaren 10a (50 urte) | ||||
Heriotza modua | : apoplexia | ||||
Familia | |||||
Ezkontidea(k) | ezkongabea | ||||
Hezkuntza | |||||
Heziketa | Old University of Orléans (en) ![]() University of Orléans (en) ![]() | ||||
Hizkuntzak | frantsesa | ||||
Jarduerak | |||||
Jarduerak | saiakeragilea, itzultzailea, frantses moralista, aforista, abokatua eta idazlea | ||||
Enplegatzailea(k) | Henri Jules, Prince of Condé (en) ![]() | ||||
Lan nabarmenak | ikusi
| ||||
Kidetza | Frantses Akademia | ||||
Mugimendua | klasizismoa | ||||
Sinesmenak eta ideologia | |||||
Erlijioa | katolizismoa | ||||
![]() ![]() |
Jean de La Bruyère (Paris, 1645 abuztuaren 16a - Versailles, 1696ko maiatzaren 10a) frantses idazle moralista izan zen. Parisko etxe burges batean sortu zen eta, legegizon gisa lanean aritu ondoren, Condé eta Borboi etxeetan lan egin zuen irakasle, idazkari eta liburuzain gisa, Bossueten laguntzari esker. Arrotz aristokraten artean, La Bruyèrek gorabehera handiak izan zituen urte horietan, baina atarramentu onik atera zuen egoera zail hartatik, bere begi zorrotzari eta estilo argi bezain aberatsari esker.
1688an argitaratu zuen, egile-izenik gabe, Les Caractères de Théophraste traduits du grec avec les caractères ou les moeurs de ce siècle (Theofrastoren izaera-bilduma, grekotik itzulia, mende honetako izaeren eta ohituren arabera) satira obra handia. La Bruyèrek Teofrasto K.a. IV. mendeko idazle grekoaren obra hartu zuen oinarritzat, XVII. mendeko gizarte frantsesa, goi mailako aristokrazia eta agintariak batez ere, satira, maxima eta erretratu biziez deskribatzeko. Obra horrek arrakasta handia izan zuen hasieratik; argitalpen asko egin ziren hurrengo urteetan eta Frantziako literaturako maisulantzat hartua izan da XIX. mendeaz geroztik. Satirak zirela eta, oztopo handiak izan zituen La Bruyèrek Frantziako Akademiako kide izateko, baina 1693an egin zioten azkenean sarrera.
Erreferentziak
[aldatu | aldatu iturburu kodea]![]() |
Wikimedia Commonsen badira fitxategi gehiago, gai hau dutenak: Jean de La Bruyère ![]() |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.