Kroaziako Estatu Independentea
Kroaziako Estatu Independentea Nezavisna Država Hrvatska, NDH | |||||||
---|---|---|---|---|---|---|---|
1941 – 1945 | |||||||
Italiako protektoratua (1941-1943) De facto Alemaniaren txotxongilo estatua (1941-45) | |||||||
| |||||||
![]() Kroaziako Estatu Independentea, 1943-45eko mugekin, gorri ilunez, ardatzak okupaturiko Jugoslavian. | |||||||
Geografia | |||||||
Hiriburua | Zagreb | ||||||
Ekonomia | |||||||
Dirua | NDHko Kuna | ||||||
Kultura | |||||||
Hizkuntza(k) | kroaziera | ||||||
Erlijioa | Eliza Katoliko Erromatarra, Eliza Ortodoxoa, Luteranismoa, Islama | ||||||
Historia | |||||||
|
Kroaziako Estatu Independentea (kroazieraz Nezavisna Država Hrvatska, NDH) estatu txotxongiloa izan zen, Bigarren Mundu Gerran Alemania Naziak sorturikoa. Estatua 1941eko apirilaren 10ean eratu zen, Jugoslavia Ardatzeko potentziek inbaditu zutenean. Bosnia-Herzegovina osoa beretu zuen NDHk, Serbiako zenbait zonalderekin batera. Teknikoki, herrialdea monarkia eta protektoratu italiarra izan zen 1941eko maiatzaren 19ko Erromako ituna sinatu zenetik, 1943ko irailaren 8an jazotako Italiaren kapitulaziora arte, baina errege izateko aukeratuak, Aostako Aimone printzeak, kargua hartzeari uko egin zion, Italiak gehiengo kroaziarra zuen Dalmaziar kostaldea beretu izanarekin ez zetorrelako bat.
Izatez kontrola gobernuan zegoen Ustaxe mugimendu faxistaren eta bere Poglavnikaren, Ante Pavelić, esku zegoen, zeinak eragin alemaniarraren pean zeuden batez ere. Bere lehen bi urteetan, 1943ra arte, estatuak jabekide izan zituen Italia eta Alemania. Gainera, Dalmazia erdialdea zuzenean beretu zuen Italiak, Mare nostrum italiar bat sortzeko helburuan aurrera egiteko modura. Eragin italiarra 1943an amaitu zen, Benito Mussolini lider faxista egotzi ondoren.
Kroaziako Estatu Independentearen arraza-jomuga izan ziren juduak, serbiarrak eta ijitoak. Haien aurka eskala-handiko genozidio kanpainak egin ziren, Jasenovac kontzentrazio-esparrua moduko lekuetan.