Morbihan

Morbihan (56)
Frantziako departamendua
Administrazioa
Estatua	Frantzia
Eskualdea	Bretainia
Prefetura	Vannes
Prefeta	Joseph-François Kergueris (UMP)
Azpiprefeturak	Lorient Pontivy
Barrutiak	3
Kantonamenduak	42
Udalerriak	261
Kokapena
Koordenatuak	47°50′N 2°50′W
Azalera	6 823 km²
Demografia
Biztanleria	768687
Dentsitatea	bizt/km²
Kontseilu Orokorraren webgunea

Morbihan (bretainieraz Mor-Bihan) Bretainiako hegoaldean dagoen Frantziako 56. departamendua da. 6.823 km²-ko azalera dauka eta 643.873 biztanle (94 biz./km², 1999)

Prefektura Vannesen dago eta beste hiri nagusiak Lorient eta Pontivy dira.

Mugakideak

Departamendu mugakideak hauexek ditu: Mendebaldean Finistère, iparraldean Côtes-d'Armor, ekialdean Ille eta Vilaine, hego-ekialdean Loira Atlantikoa eta hegoaldean Ozeano Atlantikoa.

Aipamen berezia merezi du Morbihango golkoak, 30 uhartetik gora baitaude barnean. Golkotik kanpora uharte garrantzitsuak ere baditu, Belle-Île, Groix, Houat eta Hoëdic.

Historia

Frantziako Iraultzaren ondoren eratu zen 1790ko martxoaren 4an. Bro Gwened lurralde historikoa hartzen du, Bro Kernev-en ekialdeko lur batzuekin batera.

Hiri nagusiak

Hona hemen Morbihan departamenduko hiri nagusien zerrenda, 2013ko erroldako datuen arabera ordenatua:

1. Lorient (57.961 biztanle)
2. Vannes (hiriburua, 53.032 bizt.)
3. Lanester (21.874 bizt.)
4. Hennebont (15.765 bizt.)
5. Pontivy (13.915 bizt.)
6. Auray (12.946 bizt.)

Multzo megalitikoak

Carnac udalerrian multzo megalitiko oso handia dago, Europa mailan garrantzitsuenetarikoa izango dena, Alignements de Carnac izenekoa.

Neolito garaikoak, harriak K.a. 6. milurtekoa eta K.a. 2. milurtekoa artean eraiki zituzten, 2.000-4.000 zutarri eta bestelako harriak (trikuharri, harrespil eta tumuluak) hiru multzo handitan banatuta:

1. Ménec.
2. Kermario eta Manio.
3. Kerlescan eta petit Ménec.

Departamenduan zehar beste multzo txikiago batzuk ere topa daitezke nonahi.

Kirolak

Departamenduko kirol talde arrakastatsuena FC Lorient futbol taldea da. Frantziako Liga bat eta Kopa bat irabazi ditu.

Ondasun nabarmenak

• 
  Vannes.
• 
  Vannesko katedrala.
• 
  Lorient.
• 
  Hennebont hiriko harresiak.
• 
  Pontivy.
• 
  Pontivyko gaztelua.
• 
  Auray.
• 
  Redongo abadia.
• 
  Carnac-eko harri lerroak.
• 
  Manioko Erraldoia.
• 
  Josselin gaztelua.
• 
  Port-Louis.
• 
  Quiberon penintsula.
• 
  Belle-Île uhartea.
• 
  Groix uhartea.
• 
  Locmariaquer.
• 
  Lorienteko Interzeltiar Jaialdia.

Kanpo estekak

• (Frantsesez)Prefektura
• (Frantsesez)Kontseilu orokorra
• (Frantsesez)"Alignements de Carnac"

• Datuak: Q12642
• Multimedia: Morbihan / Q12642

Côtes-d'Armor (Aodoù an Arvor) • Finistère (Penn-ar-Bed) • Ille eta Vilaine (Il-ha-Gwilen) • Morbihan (Mor-Bihan)