Mutageno
Mutageno (latinez, hitzez hitz, "aldaketa baten sorrera") geneetan mutazioa eta aldakuntza sor dezaketen eragileez esaten da. Gene mutageno batzuek jatorri fisikoa dute (erradiazio ultramoreak, X izpiak, izpi katodikoak eta kosmikoak, neutroiak etab.), eta beste batzuek kimikoa (oxido nitrosoa, fenola, hidroxilamina, diazometanoa, akridinak. etab.). Guztiek aldaketak sortzen dituzte zelulen DNAn;a beraz, eragina dute geneek eta kromosomek daramatzaten herentzia-ezaugarrietan. Industria nuklearrek jaulkitzen dituzten hondakinek mutazio bortitzak eragin ditzakete giza zeluletan, eta hondakin erradioaktibo horien suntsipena gizartea kezkatzen duen arazo nagusietako bat da.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
