Sligo konderria

Sligo konderria
Irlandako Errepublika
Administrazioa
Estatu burujabe	Irlandako Errepublika
Province of Ireland	Connacht
ISO 3166-2	IE-SO
Hiriburua	Sligo
Zatiketa	ikusi Sligo (en) eta Ballymote–Tobercurry (en)
Geografia
Koordenatuak	54°15′00″N 8°40′00″W
Azalera	1.838 km²
Mugakideak	Mayoko konderria, Roscommoneko konderria eta Leitrimeko konderria
Demografia
Biztanleria	65.393 (2011)
Dentsitatea	35,58 bizt/km²
Ordu eremua	UTC±00:00
Matrikula	SO
sligococo.ie

Sligo konderria, County Sligo edo Contae Shligigh Irlandako ipar-mendebaldean dago, Connachteko probintziaren barruan. 1.837 km2-ko azalera dauka eta 2011an 65.393 biztanle zituen. Hiriburu eta hiri nagusia Sligo/Sligeach da.

Geografia

Natura

Irlandaren ipar-mendebaldean kokaturik dago, Connacht probintzian. Ox mendilerroa dauka mendebaldean, mendirik altuena Knockalongy (544m) da. Aintzira handienak Lough Arrow, Lough Gara eta Lough Gill dira.

Hiriak eta herriak

• Sligo/Sligeach (19.452 biztanle), hiriburua
• Tubbercurry/Tobar an Choire (15.344)
• Ballymote/Baile an Mhóta (2.946)

Mitologia

Zeltiar mitologian garrantzi handiko tokia da Sligo, Connachteko Maeve erregina bertan hilobiratua izan baitzen.

Historia

Sligoko konderria 1585ean eratu zen. Bere lurrek gutxi gorabehera Ó Conchobhair Sligigh familiaren lurraldea osatzen zuten aurretik. Hala ere eremu hau antzinatik populatua izan da Harri Aroko aztarna ugariek erakusten duten bezala.

Ondasun nabarmenak

• Lissadell etxea
• Carrowkeel eta Carrowmore hilobi megalitikoak
• Talt, Gill eta Arrow aintzirak
• Strandhill eta Enniscrone herrixkak
• Sligo bidea

Sligotar ezagunak

• Lola Montez (1818-1861), dantzaria eta aktorea
• George Gabriel Stokes (1819-1903), matematikaria
• Constance Markievicz (1868-1927), iraultzailea, Lissadell etxean hazi zen.
• Neil Jordan (1950- ), zinema zuzendaria
• Chris O'Dowd (1979- ), aktorea
• Westlife (1998- ), pop musika taldea

Kirolak

Sligo konderriko kirol taldeen artean aipagarriena Sligo Rovers futbol taldea da, izan ere hiru aldiz irabazi baitu Irlandako Liga eta lau aldiz Kopa. Azken urteak bikainak izan dira, 2010 eta 2011eko kopak eta 2012ko ligak eskuratu ditu eta.

Konderriak Joko gaelikotako taldea ere badu baina ez du txapelketarik eta ligarik irabazi ez futbol gaelikoan ez eta hurlingean ere.

Iruditegia

• 
  Sligo.
• 
  Lissadell etxea.
• 
  Sligo konderriko paisaia.
• 
  Sligoko badia.
• 
  Strandhilleko hondartza.
• 
  Carrowkeel hilobiak.
• 
  Ox mendiak.
• 
  Talt aintzira.
• 
  Gill aintzira.

Kanpo estekak

• Konderriaren webgunea

• Datuak: Q179325
• Multimedia: County Sligo / Q179325

 Connacht

Galway konderria • Leitrim konderria • Mayo konderria • Roscommon konderria • Sligo konderria

Munster

Clare konderria • Cork konderria • Kerry konderria • Limerick konderria • Tipperary konderria • Waterford konderria

Leinster

Dublin konderria • Carlow konderria • Kildare konderria • Kilkenny konderria • Laois konderria • Longford konderria
Louth konderria • Meath konderria • Offaly konderria • Westmeath konderria • Wexford konderria • Wicklow konderria

Ulster

Antrim konderria** • Armagh konderria** • Cavan konderria • Derry konderria** • Donegal konderria • Down konderria**
Fermanagh konderria** • Monaghan konderria • Tyrone konderria****

**Ipar Irlandako konderriak (Gainontzekoak Irlandako Errepublikaren barnean daude).

Irlandako banaketa administratiboa