Vincenzo Gioberti
Vincenzo Gioberti (Turin, 1801eko apirilaren 5a - Paris, 1852ko urriaren 26a) italiar apaiza, filosofoa eta politikaria izan zen. Ideia liberalei eta Italia Gaztea mugimenduari zien atxikimenduagatik erbesteratua izan zen (1833). Parisen eta Bruselan bizi izan zen. Rosmini Serbatiren eraginez, filosofia eta katolikotasuna eraberritzen saiatu zen. Primato morale e civile degli italiani (1843) bere obra nagusian Italian federazio bat eratzearen alde agertu zen, Aita Santua buru izango zuena, G. Mazziniren kontra, hura errepublikaren aldekoa baitzen. Italiara itzuli zen Austriaren kontrako Piemonteko Independentziarako Gerra garaian (1848), eta Sardiniako Erresumako Diputatuen Ganberako lehendakari eta geroago gobernuburu izendatua izan zen, baina azkenik kargua utzi eta Frantziara joan behar izan zuen.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.