Zaran-belar
Zaran-belar | |
---|---|
![]() | |
Sailkapen zientifikoa | |
Erreinua | Plantae |
Ordena | Ranunculales |
Familia | Papaveraceae |
Generoa | Chelidonium |
Espeziea | Chelidonium majus |
Datu orokorrak | |
Gizakiak ateratzen dizkion produktuak | greater celandine (herb) (en) ![]() |
Zaran-belarra edo enara-belarra (Chelidonium majus) Papaveraceae familiako landare belarkara eta bizikorra da, Chelidonium generoko espezie bakarra. Jatorriz Europa eta Mendebaldeko Asiakoa da, baina Ipar Amerikan sartua izan da.
Herri-medikuntzan, zaran-belarraren latex horia garatxoak kentzeko erabiltzen da. Hori dela eta, leku batzuetan garatxo-belarra deitzen zaio, baina izen hori beste landare batzuk izendatzeko ere erabiltzen da[1]
Deskribapena
[aldatu | aldatu iturburu kodea]30-90 cmko zurtoin tente, adarkatu eta oso iletsuak ditu. Hosto inparipinatu eta lobulatuak, behekoak txortendunak eta goikoak txortengabeak, berde-urdinxkak azpialdean eta oso iletsuak.
Ginbail-formako infloreszentziak dituzte. Loreak bi sepalo berde erorkor, lau petalo hori eta lorezil ugari ditu. Fruitua 3-5 cmko silikua-formako kapsula da.
Zauritu edo moztu ezkero, latex hori-laranja isurtzen du.
Habitata
[aldatu | aldatu iturburu kodea]Landare erruderala da, bide bazter, obra-hondakindegi eta hormetan hazten dena. Nahiago ditu lurzoru karetsuak eta nitrogenoan aberatsak.
Erreferentziak
[aldatu | aldatu iturburu kodea]- ↑ Garatxo-belar Euskaltzaindia.net
Kanpo estekak
[aldatu | aldatu iturburu kodea]- Errenteriako senda-belarrak eta toxikoak: zaran-belarra Errenteriaenverde.net