Out of This World
![]() |
Out of This World (emitía en Estremaúra en castellanu comu de otro mundo) es una serii de televisión americana (una comedia de situación) con 96 episodius de 24 minutus en 4 temporàs, crià por Steven Kunes i originalmenti emitía dende 1987 a 1991 enos Estaus Uníus.
Argumentu
[Edital | Editá'l códigu]La protagonista es Evie Ethel Garland, una ddagala que descubri nel día que jaddi treddi añus que su pairi es un estraterrestri -llamáu Troy- que vieni del praneta Antareus. Se casó cona su mairi terrestri i alogu dispués ella parió a Evie. La ddagala, meya estraterrestri i meya humana, tieni poeris sobrenaturalis, el prencipal es el de paral el tiempu juntandu los papillus de los deus mocosus de dambas las dos manus, pero en capítulus posterioris se van conociendu otrus poeris. La juerza de los episodius tratan de la abusión contina que la Evie jaddi de los sus poeris, que causan pobremas qu'alugu dispués tieni qu'almendal nel restu el episodiu. Namás que la su familia sabi de la essistencia de su pairi estraterrestri i de los sus poeris, i muchus episodius muestran a la Evie precurandu d'encultal el su secretu a los demás. Ella se comunica con su pairi en Antareus (que no se lo ve nunca ena serii) por mé d'una aspeci cachaparru de cristal de jorma cúbica al que llaman "el cubu".
Atoris i personajis
[Edital | Editá'l códigu]- Donna Pescow : Donna Garland (mairi de Evie)
- Maureen Flannigan : Evie Ethel Garland
- Burt Reynolds : Troy Garland (namás que la vos)
- Christina Nigra : Lindsay Selkirk
- Doug McClure : Kyle X. Applegate
- Joe Alaskey : Beano Froelich
- Buzz Belmondo : Buzz
- Steve Burton : Chris Fuller
- John Roarke : Phil