Budesonida
A budesonida é un esteroide glucocorticoide, usado no tratamento da asma, a rinite non infecciosa (incluída a febre do feno ) e no tratamento e prevención de pólipos nasais . Ademais, úsase para a enfermidade de Crohn (enfermidade inflamatoria intestinal). Existe en forma de pílula, spray nasal e solución para nebulización.[1]
Budesonida DCI: Budesonida | |
---|---|
![]() Estrutura química da Budesonida | |
Datos clínicos | |
Nome comercial | Varios (ex. Rhinocort, Pulmicort) |
Categoría no embarazo |
|
Carga adictiva | Baixa |
Rutas de administración | Inhalada, nasal, oral etc. |
Grupo farmacolóxico | Corticosteroide |
Código ATC | |
Datos fisiolóxicos | |
Tecidos obxectivo | Pulmóns, nariz, intestino |
Metabolismo | CYP3A4 |
Datos farmacocinéticos | |
Biodispoñibilidade | 6 a 20% |
Metabolismo | CYP3A4 |
Semivida | 2-4h |
Excreción | Feces e urina |
Identificadores | |
| |
Número CAS | |
Datos químicos e físicos | |
Fórmula | C25H34O6 |
![]() Se cre que pode requirir tratamento, por favor, consúltello ao médico. |
Está na Lista de Medicamentos Esenciais da Organización Mundial da Saúde, unha lista dos medicamentos máis importantes e necesarios nun sistema de saúde básico.[2]
Estereoquímica
editarBudesonida (Dous estereoisómeros) | |
---|---|
Configuración 22R | Configuración 22S |
Uso
editarO spray nasal debe ser axitado ben antes de cada uso. Lave o nariz antes de usar. Se non se utiliza durante máis de 2 días, premer ata que saia o primeiro chorro de líquido antes do uso (só para comprobar que sae en cantidade suficiente). Hai que usalo todos os días para obter o mellor resultado. No tratamento da asma, os adultos poden usar de 200 a 400 mcg dúas veces ao día por inhalación oral. Os nenos de 6 a 12 anos poden usar 200 mcg dúas veces ao día por inhalación oral. A dose máxima para persoas maiores de 6 anos é de 400 mcg, o que equivale a dúas bocanadas ao día. A dose efectiva máis baixa diminúe cando o asma se estabiliza.[3] Tamén se usa en combinación con outros fármacos.[4]
Indicacións
editarÚsase para tratar:[3]
- asma crónica
- rinite alérxica
- Laringotraqueobronquite
- Mal de Crohn (como inmunosupresor)
Contraindicacións
editarNon é adecuado para ataques de asma, en cuxo caso use un broncodilatador agonista adrenérxico beta-2 de acción rápida como o salbutamol ou o fenoterol. Non debe ser usado por pacientes con herpes simple, tuberculose, varicela, sarampelo ou outras infeccións respiratorias activas, xa que pode ocultar os síntomas e reactivalos.[3]
Farmacocinética
editarPódese usar nasal ou nebulizado. A budesonida é metabolizada extensamente por mecanismos de primeiro paso, chegando só do 6 ao 20% da dose á circulación sistémica. Leva de 1 a 2 semanas de uso diario para alcanzar o seu máximo efecto. A vida media é de 2 a 4 horas. Excretado en feces e urina.[3]
Categoría B ou C na xestación, segundo o país, xa que hai evidencias de que é prexudicial para os animais, pero non parece prexudicial para o ser humano. Excrétase no leite materno.[3]
Farmacodinámica
editarÉ eficaz entre o íleo e o colon terminal. A budesonida, en comparación coa prednisolona, causa menos perda de densidade ósea e, a diferenza doutros corticosteroides, ten pouca influencia no eixe hipotálamo - hipófisis - adrenal. Xeralmente ten pouco efecto sobre as manifestacións sistémicas en comparación con outros fármacos similares.
Efectos adversos
editarA forma inhalada pode causar:[5]
- Irritación nasal ou ardor
- Sangrado nas fosas ou abrasións.
- Dor de estómago
- Tose
- Rouqueira
- Boca seca
- Erupción cutánea (rash)
- Coceira
- Mal gusto na boca
- A cor do moco cambia
Pode retardar o crecemento de nenos e adolescentes.
Débese ter coidado ao cambiar dun esteroide oral (por exemplo, prednisona ) ao spray de budesonida. O seu corpo pode levar varios meses a producir de forma natural suficientes esteroides para xestionar eventos que causan moito estrés físico (lesións, cirurxía, infección, perda masiva de sangue ou ataque de asma repentino). Estes eventos poden ser graves ou incluso mortais. Volve a un esteroide oral para estes eventos.[6]
Investigación
editarEn abril de 2021, un equipo de investigación da Universidade de Oxford lanzou a publicación previa dun ensaio controlado aleatorizado co uso de budesonida en persoas maiores de 50 anos con síntomas de COVID-19, con resultados preliminares positivos.[7] O 12 de abril de 2021, o Servizo Nacional de Saúde do Reino Unido permitiu o uso de budesonida polos médicos xerais para o tratamento dalgúns pacientes con COVID-19, destacando a necesidade dunha análise caso por caso.[8]
Notas
editar- ↑ http://www.drugs.com/mtm/budesonide.html
- ↑ "WHO Model List of EssentialMedicines". World Health Organization. Outubro de 2013. Arquivado o 22 de abril de 2014.
- ↑ 3,0 3,1 3,2 3,3 3,4 http://www.iqb.es/cbasicas/farma/farma04/b034.htm
- ↑ ".:: CIMA ::. PROSPECTO BiResp Spiromax 160 microgramos / 4,5 microgramos polvo para inhalacion". cima.aemps.es. Consultado o 2023-08-29.
- ↑ [https://web.archive.org/web/20081106080137/http://www.emedicinehealth.com/budesonide-nasal_aerosol_inhaler/article.htm Arquivado 06 de novembro de 2008 en Wayback Machine. BUDESONIDE - NASAL AEROSOL INHALER (Rhinocort) side effects, medical uses, and drug interactions
- ↑ http://www.drugs.com/cdi/budesonide-spray.html
- ↑ "Remédio contra asma pode ser eficaz para covid-19, aponta estudo britânico" (en portugués). 2021-04-13. Consultado o 2021-04-13.
- ↑ "'Case-by-case' approach to GPs prescribing budesonide for COVID-19 | GPonline". Consultado o 2021-04-13.
Véxase tamén
editarOutros artigos
editar- Leucotrieno
- Antagonistas dos receptores de leucotrienos (Outro tipo de medicamento utilizado no tratamento da asma)
- Sistema inmunitario
- Histamina
- Metilprednisolona