Unidade Galega (coalición)
- Para o partido político formado en 1991, vexa Unidade Galega (partido)
Unidade Galega (UG), foi unha coalición formada polo Partido Obreiro Galego, o Partido Socialista Galego e o Partido Galeguista en 1979.[1]
Unidade Galega (UG) | |
---|---|
Coalición do PSG, Partido Galeguista e o Partido Obreiro Galego (Galiza) | |
![]() | |
Dirixentes e organización | |
Líder | Francisco Fernández del Riego, Camilo Nogueira e Avelino Pousa Antelo |
Historia | |
Fundación | 1978 |
Disolución | 1980 |
Posicións políticas | |
Ideoloxía | Nacionalismo galego Socialismo Federalismo |
Historia
editarA fin da coalición era a defensa dunha autonomía semellante á de Cataluña e o País Vasco e a consecución dun grupo nacionalista no Congreso dos Deputados para negociar o Estatuto de Autonomía de Galicia de 1981. Aínda que nas eleccións xerais de 1979 obtivo 58.391 votos (5'35 %) non conseguiu representación parlamentaria. Nas eleccións municipais de 1979 tivo 68.759 votos (6'35 %) e conseguiu 141 concelleiros e a alcaldía da Coruña para Domingos Merino. Grazas a estes resultados a coalición tamén conseguiu dous deputados provinciais[2]. Á parte da alcaldía da Coruña, UG tamén conseguiu as de Cambados, Narón, Rairiz de Veiga, Redondela, As Pontes de García Rodríguez, Touro, Vilaboa e Malpica de Bergantiños.
As diferenzas no seo da Unidade Galega sobre a estratexia a seguir no proceso autonómico e a diferente postura dos partidos integrantes sobre a conveniencia de entrar na Comisión dos 16 (encargada de elaborar o proxecto de Estatuto) levaron á desaparición da coalición a finais de 1980, tras o abandono da mesma polo Partido Galeguista.
Eleccións
editarEleccións | Votos | % | Deputados/concelleiros | Alcaldes |
---|---|---|---|---|
Eleccións xerais de 1979 | 58.391 | 5,35% | 0 / 350 | - |
Eleccións municipais de 1979 | 68.759 | 6,35% | 141 / 4,072 | 9 / 312 |
Notas
editar- ↑ Muruais, Perfecto Conde (1979-01-17). "Unidade Galega, primera coalición galleguista". El País (en castelán). ISSN 1134-6582. Consultado o 2020-06-14.
- ↑ "Galicia: elecciones a Diputación Provincial de A Coruña Lugo Ourense Pontevedra". www.historiaelectoral.com. Consultado o 2020-06-14.
Véxase tamén
editarBibliografía
editar- Fernández Baz, Manuel Anxo (2003). A formación do nacionalismo galego contemporáneo (1963-1984). Santiago de Compostela: Laiovento. ISBN 978-8484870210.
- Beramendi, Xusto; Núñez Seixas, X.M. (1996). O nacionalismo galego. Colección: Historia de Galicia, nº 18. Vigo: A Nosa Terra. ISBN 9788489138643.