Man Ray

Man Ray
	; (1934)
Biografía
Nacemento	27 de agosto de 1890 ; Filadelfia, Estados Unidos de América
Morte	18 de novembro de 1976 (86 anos); 6.º arrondissement de Paris, Francia (pt)
Causa da morte	doenza infecciosa
Lugar de sepultura	Cemiterio de Montparnasse
Datos persoais
Outros nomes	Radenski, Emmanuel ; Man Rei ; Rudnitzky, Emmanuel
País de nacionalidade	Estados Unidos de América ; Francia
Educación	Art Students League of New York (pt) ; Boys and Girls High School (pt) ; Boys High School
Actividade
Campo de traballo	Pintura, fotografía, escultura, cine e Xoiaría
Lugar de traballo	París ; Nova York ; Os Ánxeles ; Francia
Ocupación	director de cinema , deseñador , actor , deseñador de xoias , gravador , cineasta , escultor , autobiógrafo , montador , fotógrafo , colaxista , director de fotografía , pintor , guionista , artista de assemblage
Membro de	College of 'Pataphysics (en)
Xénero artístico	Assemblage e Arte abstracta
Movemento	Surrealismo e Dadaísmo
Lingua	Lingua inglesa
Representante	Artists Rights Society e Sculpture to Wear (pt)
Participou en
9 de xuño de 2012	dOCUMENTA (13) (en)
29 de outubro de 2011	Say Hello, Wave Goodbye (pt)
	Jewelry by Contemporary Painters and Sculptors (en)
Obra
	Obras destacables (1924) Le Violon d'Ingres (pt) ; (1958) Gift (en) ;
Arquivos en	Bibliothèque Kandinsky (en) [ MANR]; Instituto de Pesquisa Getty (pt) ;
Familia
Cónxuxe	Adon Lacroix (1914–1919); Juliet Man Ray
Parella	Lee Miller (en)
Pais	Max Ray (en) e Manya Lourie Ray (en)
	Sinatura
Páxina web	manraytrust.com

Man Ray (Emmanuel Rudzitsky, ou Rudnitsky ou Radnitzky, ou tamén Radenski) nado en Filadelfia (Pensilvania) o 27 de agosto de 1890 e finado en París o 18 de novembro de 1976, foi pintor, fotógrafo e director de cine estadounidense, actor do dadaísmo en Nova York e do surrealismo en París.

Traxectoria

A súa carreira comeza en Nova York; xunto co seu amigo Marcel Duchamp forma a rama americana do movemento Dada. Despois dalgunhas experiencias artísticas infrutuosas, en particular unha publicación sobre o Dada en Nova York en 1920, Man Ray chega á conclusión de que «Dada non pode vivir en Nova York».

O 14 de xullo de 1921 chega ao Le Havre (Sena Marítimo) e diríxese a París onde é acollido por Marcel Duchamp. A mesma noite preséntano aos surrealistas Louis Aragon, André Breton, Paul Éluard e Gala, Théodore Fraenkel, Jacques Rigaut e Philippe Soupault. Instálase no barrio de Montparnasse e enamórase da cantante francesa e modelo Kiki de Montparnasse. Tamén coñece o modisto Paul Poiret. Realiza numerosas fotografías de moda que son publicadas en revistas. Con Jean Arp, Max Ernst, André Masson, Joan Miró e Pablo Picasso presenta as súas obras á primeira exposición surrealista da galería Pierre en París, en 1925.

En Montparnasse, durante trinta anos, Man Ray revoluciona a arte fotográfica. Os grandes artistas da súa época posan para el, como James Joyce, Gertrude Stein ou Jean Cocteau. En 1934 Meret Oppenheim posa núa para el, resultando unha das súas serie de fotos máis famosa.

En 1940, tras a derrota de Francia, Man Ray consegue chegar a Lisboa e embarca para Estados Unidos xunto con Salvador Dalí, Gala e o cineasta René Clair. Chegado a Hollywood recibe proposicións de exposicións e decide volver pintar.

Falecido en París en 1976, foi inhumado no cemiterio de Montparnasse e na súa tumba pódese ler o epitafio: «Unconcerned, but not indifferent» (Desapegado, pero non indiferente).

Obra

Fotografía

Numerosos retratos, en particular de Marcel Duchamp (1916), Tristán Tzara (1921), a marquesa Casati (1922), Francis Picabia (1924), Jean Cocteau (1924), Antonin Artaud (1926), Kiki de Montparnasse (1926), André Breton (1930), Lee Miller (1930), Salvador Dalí e Gala (1936), Juliet (1945).
Enigme d'Isidore Ducasse', 1920
Élevage de poussière, 1920 (Museo de Arte de Toulon)
Le Violon d'Ingres, 1924
Noire e Blanche, 1926
African sculpture on lying women, 1930
Jeu d'échecs surréaliste, 1934, 20 retratos de artistas surrealistas

Filmografía

Le Retour à la raison, 1923
À quoi rêvent les jeunes filles, 1924
Emak-Bakia, 1926
L'Étoile de mer, 1928
Les Mystères du château de Dé, 1929
Essai de simulation de délire cinématographique, 1935

Véxase tamén

Ligazóns externas

Man Ray na IMDb (en inglés).