Matthew Le Tissier

Matthew Le Tissier
	; (2010)
Nome orixinal	(en) Matt Le Tissier
Biografía
Nacemento	(en) Matthew Paul Le Tissier ; 14 de outubro de 1968 (55 anos); Saint Peter Port, Guernsey
Datos persoais
Residencia	Saint Peter Port
País de nacionalidade	Reino Unido
Altura	185 cm
Peso	86 kg
Actividade
Ocupación	futbolista , presentador
Período de actividade	1986 - 2013
Lingua	Lingua inglesa
Nacionalidade deportiva	Inglaterra
Deporte	fútbol
Liga	Football League (pt) e Premier League
Posición de xogo	Centrocampista
Traxectoria
	Premios Hall da Fama do Futebol Inglês (pt) ;

Matthew Le Tissier, nado o 14 de outubro de 1968 en Saint Peter Port (Guernsey), é un exfutbolista inglés. Xogaba de centrocampista defensivo e foi internacional coa selección inglesa. Pasou toda a súa carreira no Southampton FC.

Traxectoria

Naceu na illa de Guernsey, situada no Canal da Mancha entre Inglaterra e Francia. Xogou desde os 18 anos no Southampton FC, onde coincidiu con Alan Shearer antes da súa marcha ao Blackburn Rovers. Nas quince tempadas que permaneceu activo (1986–2002) vestiu a camiseta branca e vermella en máis de 500 partidos entre a Premier League, a FA Cup e a Football League Cup, anotando máis de 200 goles. A súa mellor época foi entre as tempadas 89/90 e 94/95, marcando 96 goles en liga en 6 anos, destacando un que lle marcou ao Blackburn desde preto do círculo central, elixido gol da tempada 94/95 por votación popular.

En maio de 2002 organizouse un partido de homenaxe entre o Southampton e unha selección de Inglaterra, cun combinado formado por xente como Alan Shearer, Tim Flowers, Paul Gascoigne ou Ronnie Ekelund e adestradores como Alan Ball, Kevin Keegan ou Lawrie McMenemy. Os Saints, a afección do Victorian Former Ground (The Dell), alcumábao the God, co cántico de "he is God, Le God".

O concello de Hampshire concedeulle o título de "Freedom of the City". Actualmente traballa para SKY, e obtivo a licenza pro de Management, polo que pode adestrar equipos de calquera división.

Estatísticas

Club	Período	Liga PJ (G)	FA Cup PJ (G)	League Cup PJ (G)	TOTAL PJ (G)	Media
Southampton FC	1986–2002	443 (162)	33 (12)	52 (27)	528 (201)	0,38 %

Selección nacional

Ao nacer en Guernsey puido elixir entre xogar coa selección inglesa ou a selección de Francia, decidíndose polo combinado inglés. Debutou o 15 de febreiro de 1995 da man de Terry Venables nun amigábel contra a selección irlandesa en Lansdowne Road. Porén, só xogou 8 encontros co combinado nacional.

Véxase tamén

Ligazóns externas

Datos do xogador en englandstats.com (en inglés)