Adeodato I, papa
  | |
| Nome orixinal | (la) Adeodatus PP. I |
|---|---|
| Biografía | |
| Nacemento | 570 Roma |
| Morte | 8 de novembro de 618 (47/48 anos) Roma |
| Causa da morte | peste |
 68º Papa | |
| 16 de novembro de 615 – 8 de novembro de 618 (Gregoriano) ← Bonifacio IV – Bonifacio V → | |
| Datos persoais | |
| País de nacionalidade | Imperio Bizantino |
| Relixión | Igrexa católica |
| Actividade | |
| Lugar de traballo | Roma |
| Ocupación | sacerdote católico |
| Orde relixiosa | Orde de San Bieito |
| Enaltecemento | |
| Día de festividade relixiosa | 8 de novembro |
Adeodato I ou Deusdado I (en latín: Deusdedit, "dado por Deus") foi o papa n.º 68 da Igrexa católica entre 615 e 618.
Traxectoria
[editar | editar a fonte]Naceu en Roma, entón parte do Imperio Romano de Oriente, fillo dun subdiácono chamado Estevo. Foi elixido papa polo clero romano o 19 de outubro de 615, tras corenta anos de sacerdocio, seis meses despois do pasamento de Bonifacio IV.[1][2] Foi o primeiro papa non monxe dende Xoán II.[2] Distinguiuse polo seu celo e pola súa caridade,[1] e cando a lepra bateu na cidade distinguiuse polos seus esforzos en coidar aos enfermos.[1][2] Foi tamén coñecido por ser taumaturgo, pois seica curaba distintos tipos de enfermidades apoiando os beizos nas feridas dos enfermos.[3][4]
Segundo a tradición, foi o primeiro papa en usar o selo papal (bulla) nos documentos pontificios. No seu selo aparece o Bo Pastor rodeado das súas ovellas coas letras alfa e omega no fondo, e o lema Deusdedit Papæ.[1][2] Finou en Roma o 8 de novembro de 618.[1][2]
Foi canonizado pola Igrexa católica, que celebra a súa festa o 8 de novembro.[1][2] No Martiroloxio Romano é lembrado deste xeito:
Na basílica de San Pedro, en Roma, san Deusdado I, papa, que amou ao seu clero e ao seu pobo e brillou pola súa sinxeleza e sabedoría (618).[5]
Notas
[editar | editar a fonte]- ↑ 1,0 1,1 1,2 1,3 1,4 1,5 Kelly, Leo A (1913). "Pope St. Deusdedit". En Herbermann, Charles George. Catholic Encyclopedia (en inglés) IV.
- ↑ 2,0 2,1 2,2 2,3 2,4 2,5 Guiley, Rosemary (2001). The Encyclopedia of Saints (en inglés). Infobase Publishing. p. 3. ISBN 9781438130262.
- ↑ Lopes, Antonino (1997). The Popes (en inglés). Futura Edizioni. p. 24. ISBN 9788887181005.
- ↑ Rendina, Claudio (2002). The Popes: Histories and Secrets. Seven Locks Press. p. 111. ISBN 9781931643139.
- ↑ Martirologio Romano (en castelán).
En la basílica de San Pedro, en Roma, san Diosdado I, papa, que amó a su clero y a su pueblo y brilló por su sencillez y sabiduría (618)
Véxase tamén
[editar | editar a fonte]Ligazóns externas
[editar | editar a fonte]- Perfil en Santopedia.com (en castelán)
- Perfil en SantieBeati.it (en italiano)
- Perfil en CatholicSaints.info (en inglés)
| Control de autoridades |
|
|---|
