Adriano López Morillo
![]() ![]() | |
Biografía | |
---|---|
Nacemento | 1841 ![]() Ferrol, España ![]() |
Morte | 30 de xaneiro de 1913 ![]() |
Datos persoais | |
País de nacionalidade | España ![]() |
Actividade | |
Ocupación | militar ![]() |
Membro de | |
Familia | |
Cónxuxe | Dolores Pardo de Lama |
Fillos | Dolores López y Pardo |
Adriano López Morillo, nado en Ferrol en 1837 e finado na Coruña o 30 de xaneiro de 1913,[1][2] foi un militar galego, membro numerario da Real Academia Galega.[3]
Traxectoria
[editar | editar a fonte]Descendente de Pablo Morillo, foi fillo de Francisco López e María Manuela Morillo. En 1859 casou con Dolores Pardo de Lama y Pardo de Andrade.
Destinárono a Cuba e combateu na República Dominicana de 1865 a 1867, onde foi ferido de bala e feito prisioneiro durante vinte e un meses. Loitou contra os carlistas no País Vasco (1870-1871), na liberación do arsenal de Ferrol que caera en mans dos republicanos en 1872, o que lle valeu ascender a comandante, e pelexou contra os carlistas en Tarragona. En 1890 acadou o emprego de tenente coronel e en 1892 o de coronel, desempeñando durante dez anos o mando do rexemento de reserva da Coruña, onde finou co rango de xeneral de brigada.
Dirixiu El Tribuno e La Crónica de Luarca. Colaborou en El Correo Militar, onde publicou artigos en contra do servizo militar obrigatorio.
Ingresou na RAG o 17 de novembro de 1910 a proposta de Jaime Ozores de Prado, Francisco Tettamancy e Andrés Martínez Salazar, en sesión celebrada en Vigo, co discurso Un documento histórico poco conocido, respondido por Wenceslao Requejo Pérez[4], que fai referencia ao comportamento pouco favorable para Galicia de John Moore na Guerra de independencia contra os franceses. No momento do seu pasamento estaba a rematar a Historia de la guerra de Santo Domingo, inédita ata 1983.
Obra
[editar | editar a fonte]- Un documento histórico poco conocido (discurso de ingreso na RAG, 1910)
- "Sobre la desaparición de dos escuadrones del tren de artillería del ejército francés" (Boletín da Real Academia Galega, 1910)[5]
Notas
[editar | editar a fonte]- ↑ El Correo de Galicia, p. 2, 31/1/1913 (en castelán).
- ↑ El Siglo Futuro, p. 2, 31/1/1913 (en castelán).
- ↑ "Adriano López Morillo". Real Academia Galega.
- ↑ López Morillo, Adriano (2020). Un documento histórico poco conocido. Real Academia Galega.
- ↑ López Morillo, Adriano (1910). ""Sobre la desaparición de dos escuadrones del tren de artillería del ejército francés, en la provincia de Betanzos, los cuales pertenecían al 6.º Cuerpo del mando del Duque de Elchingen"". Boletín da Real Academia Galega (39). Arquivado dende o orixinal o 14 de febreiro de 2023. Consultado o 26 de setembro de 2022.
Véxase tamén
[editar | editar a fonte]Bibliografía
[editar | editar a fonte]- Diccionario enciclopédico galego universal 39. La Voz de Galicia. 2003-2004. p. 9. ISBN 84-7680-429-6.
- Dicionario biográfico de Galicia 2. Ir Indo Edicións. 2010-2011. p. 246.
- Enciclopedia Galega Universal 11. Ir Indo. 1999-2002. p. 251. ISBN 84-7680-288-9.
- Gran Enciclopedia Galega (DVD). El Progreso. 2005. ISBN 84-87804-88-8.
- Couceiro Freijomil, Antonio (1951-54). Diccionario Bio-bibliográfico de Escritores (en castelán) II. Bibliófilos Gallegos. p. 311-312.