David Hendin
Biografía | |
---|---|
Nacemento | 16 de decembro de 1945. St. Louis, Estados Unidos de América ![]() |
Datos persoais | |
País de nacionalidade | ![]() |
Educación | Universidade de Missouri. |
Q89547790 | Estudos de moeda bíblica e do antigo Israel |
Actividade | |
Campo de traballo | Numismática e xornalismo. |
Ocupación | xornalista , numismático ![]() |
Lingua | Lingua inglesa ![]() |
Familia | |
Cónxuxe | Jeannie Luciano (1985). |
Fillos | Sara, Ben e Alexander Hendin. |
Premios | |
Véxase a sección “Recoñecementos”. |
David Bruce Hendin, nado en San Luís, Missouri o 16 de decembro de 1945, e un numismático estadounidense especializado en moeda bíblica e do pobo hebreo, moeda provincial romana e moeda nabatea.
Ao longo da súa carreira, Hendin tamén exerceu como xornalista médico, divulgador científico, e executivo editorial.
Traxectoria
[editar | editar a fonte]David Hendin estudou na Universidade de Missouri, onde se graduou en Bioloxía en 1967, e logo acadou o mestrado en Xornalismo na mesma universidade, en 1970.[1][2][3]
Xornalismo
[editar | editar a fonte]No curso 1967-1968 exerceu a docencia de Bioloxía na escola de secundaria Mollie Goodmanl, en Kfar Silver, preto de Ascalón, en Israel. Logo regresou aos Estados Unidos, onde foi profesor axudante na facultade de Xornalismo da Universidade de Missouri, entre 1969 e 1986, ao tempo que dirixía o Programa de Xornalismo Científico de Nova York.[1]
Durante o curso 1975-1976 foi tamén profesor axudante de xornalismo científico e médico na Universidade Columbia.[1]
A súa actividade como divulgador científico levouno, a partir de 1970, a colaborar con diversas entidades editoriais —nalgúns casos en postos de responsabilidade—, como World Almanac/Pharos Books ou United Media/United Feature Syndicate.[1]
David Hendin traballou tamén como axente literario para outros autores.[4]
Numismática
[editar | editar a fonte]O seu interese pola numismática focalizouse desde o inicio na moeda bíblica e do antigo Israel, na moeda provincial romana e na moeda nabatea. En 1985 e 1986 participou como numismático xefe no proxecto Sepphoris, desenvolvido conxuntamente pola Duke University, de Durham, e pola Universidade Hebrea de Xerusalén. En 2011 incorporouse igualmente ao mesmo proxecto, continuado en solitario pola Duke University. [1][2][3]
É autor de varios libros de referencia na numismática hebrea, sinaladamente Guide to Ancient Jewish Coins (1976), que conta xa con seis edicións. Como editor, Hendin colaborou con Ya'akov Meshorer en Ancient Jewish Coinage (1982), na edición inglesa de A Treasury of Jewish Coins (2001) e en Coins of the Holy Land (2006).[2][3]
A traxectoria numismática de David Hendin está moi vinculada á American Numismatic Society, na que ingresou en 1976 e que o nomeou conservador honorario en 2010 e vicepresidente en 2017.[5] En 2022 foi profesor nesta entidade, na materia de Moedas Bíblicas e de Xudea.[1][2][3] En xaneiro de 2023, Hendin doou 335 pezas da súa colección de moedas antigas do mundo xudeu para as incluír nunha poxa numismática cuxos beneficios foron destinados integramente aos fondos da American Numismatic Society.[6]
Tamén impartiu conferencias e cursos sobre numismática bíblica en universidades de todo o mundo, entre elas o University College (Londres), a Universidade de Nottingham, a Universidade Americana de Beirut, a Universidade de Göthenberg (Suecia), a Universidade Al Quds de Xerusalén, a Universidade Hebrea, a Universidade Columbia, a Universidade Yeshiva, o Museo de Israel e o Museo Nacional de Israel.[2][3]
Recoñecementos
[editar | editar a fonte]Estes son algúns dos galardóns acadados por David Hendin ao longo da súa carreira:[1][2][3]
Divulgación médica
[editar | editar a fonte]- 1972: Premio ao xornalismo médico, da American Medical Association.
- 1973: Premio Howard Blakeslee, da American Heart Association.
- 1976: Libro do ano (The Life Givers), da American Medical Writer’s Association.
Numismática
[editar | editar a fonte]- 1996: Premio literario xudaico Ben Odesser, da American Israel Numismatic Association.
- 2003: Premio Presidencial da American Numismatic Association.[7]
- 2012 e 2013: Mellor libro especializado, do Numismatic Literry Guild.[8]
- 2013: Medalla Gunnar Holst, da Sociedade Numismática Sueca.[9]
- 2022: Burnett Anderson Memorial.[10]
- 2022: Trustees’ Award da ANS.[11]
- 2022: Premio Shekel, da American Israel Numismatic Association.[12][13]
Vida persoal
[editar | editar a fonte]David Hendin casou en 1985 con Jeannie Luciano, que chegou a ser vicepresidenta e directora editorial da compañía W. W. Norton. Con ela tivo tres fillos: Sarah, Ben e Alexander.[2][3]
Publicacións
[editar | editar a fonte]Hendin publicou, ao longo da súa carreira académica, máis de 200 artigos na revista numismática The Celatorentre 1984 e 2010, e tamén foi un colaborador habitual doutras publicacións, como The Numismatist, American Journal of Numismatics, Numismatic Review, Israel Numismatic Journal ou Israel Numismatic Research. Tamén foi autor de varios traballos monográficos, dos que aquí se escolman as máis representativas:[1]
Numismática
[editar | editar a fonte]- (1976). Guide to Ancient Jewish Coins. Attic Books, Nova York. ISBN 0-915018-11-X
- (1977). The World Almanac Whole Health Guide. Signet/NAL, Nova York.
- (1978). Collecting Coins. Signet Books, Nova York. ISBN 0-451-08405-5
- (1987). Guide to Biblical Coins. Amphora Books, Nova York. [6ª ed. (2021). American Numismatic Society, New York. ISBN 978-0-89722-741-4][14]
- (2005). Not Kosher: Forgeries of Ancient Jewish and Biblical Coins. Amphora Books, Nova York. ISBN 0-9654029-3-2
- (2007). Ancient Scale Weights and Pre-Coinage Currency of the Near East. Amphora Books, Nova York. ISBN 978-0-9654029-4-1
- (2011). Cultural Change: Jewish, Christian, and Islamic Coins of the Holy Land. American Numismatic Society, Nova York. ISBN 978-0897223195
Difusión científica
[editar | editar a fonte]- (1971). The Doctor’s Save Your Heart Diet. Award Books, Nova York.
- (1971). Everything You Need to Know About Abortion. Pinnacle Books, Nova York.
- (1972). Acupuncture: What Can it Do for You?. Award Books, Nova York.
- (1972). Save Your Child’s Life. Enterprise Books, Nova York.
- (1973). Death as a Fact of Life. W.W. Norton, Nova York. 1973.
- (1977). The Life Givers. William Morrow, Nova York. ISBN 0-688-03035-1
- (1978). The Genetic Connection (conh J. Marks). William Morrow, Nova York. ISBN 0-688-03265-6
Notas
[editar | editar a fonte]- ↑ 1,0 1,1 1,2 1,3 1,4 1,5 1,6 1,7 "David. B. Hendin: Curriculum Vitae". Academia.edu
- ↑ 2,0 2,1 2,2 2,3 2,4 2,5 2,6 "The 2022 Gala will Honor David Hendin". American Numismatic Society (Numismatics.org).
- ↑ 3,0 3,1 3,2 3,3 3,4 3,5 3,6 "American Numismatic Society 2022 Gala Honors David Hendin". En Coins Weekly. 2 de setembro de 2021.
- ↑ "Literary Agent David Hendin - DH Literary". Literary.agents.com
- ↑ "Vice-Presidents of the American Numismatic Society". American Numismatic Society.
- ↑ "CNG Keystone Auction 9 of David Hendin Collection to Benefit the ANS". American Numismatic Society.
- ↑ "American Numismatic Association Presidential Awards". American Numismatic Association (Money.org).
- ↑ "Annual Writers’ Competition Arquivado 03 de agosto de 2020 en Wayback Machine.". Numismatic Literary Guild (Nlgonline.org).
- ↑ "Hendin Receives 2013 Medal from Gunnar Holst Foundation for Numismatics". En Coins Weekly. 6 de xuño de 2013.
- ↑ "David Hendin is Awarded the Burnett Anderson Award". American Numismatic Society.
- ↑ "Recipients of the Trustees' Award". American Numismatic Society.
- ↑ "Shekel Prize Past Winners". American Israel Numismatic Association (Theshekel.org).
- ↑ "The Winners of the 2022 Shekel Prize Announced". En Coins Weekly. 10 de febreiro de 2022.
- ↑ "Guide to Biblical Coins (6th ed.)". American Numismatic Society.