Lata Mangeshkar
Lata Mangeshkar (marathi: लता मंगेशकर), nada en Indore o 28 de setembro de 1929 e finada en Mumbai o 6 de febreiro de 2022,[1] foi unha cantante india, coñecida como dobradora musical nos filmes de Bollywood.[2][3] Era a irmá máis vella dos tamén cantantes Asha Bhosle, Hridaynath Mangeshkar, Usha Mangeshkar e Meena Khadikar.
Traxectoria
[editar | editar a fonte]Adestrada dende os cinco anos de idade polo seu pai, o cantante clásico Deenanath Mangeshkar, iniciou a súa carreira en 1942. Tras sete décadas de carreira, cantou en máis de mil filmes en preto de vinte linguas da India, principalmente hindi e marathi. Por interpretar cancións tamén en bengalí e urdú é extremamente popular en Bangladesh e Paquistán. É célebre a anécdota sobre un xeneral paquistaní que, durante un acto diplomático con representantes indios, bromeou dicindo que estaría disposto a entregar os territorios en litixio de Azad Caxemira en troco de Lata.
Recibiu as máis altas condecoracións artísticas indias, entre elas o premio Bharat Ratna,[4] e apareceu no Libro Guinness dos Récords dende 1974 a 1991 como a cantante máis gravada do mundo.
Ademais de produtora dos filmes Vaadal (1953), Jhaanjhar (1953), Kanchan (1955) e Lekin (1990), tamén exerceu ocasionalmente como directora musical. A finais da década de 1960 compuxo a música de varios filmes en marathi co pseudónimo Anand Ghan.
Influencia
[editar | editar a fonte]Freddie Mercury, fundador e voz principal da banda Queen, mencionouna como unha das súas grandes influencias. O produtor Dr Dre tivo que pagar 2 millóns de dólares a Lata Mangeshkar pola utilización en 2002 dun extracto da canción Kaliyon Ka Chaman Thoda Resham Lagta Hai (do filme Jyoti) na canción Addictive de Shari Watson.
Notas
[editar | editar a fonte]- ↑ "Lata Mangeshkar: India singing legend dies at 92". BBC News (en inglés). 6 de febreiro de 2022. Consultado o 6 de febreiro de 2022.
- ↑ "Lata Mangeshkar". The Times of India. 10 de decembro de 2002. Consultado o 22 de xullo de 2009.
- ↑ Yasmeen, Afshan (21 de setembro de 2004). "Music show to celebrate birthday of melody queen". The Hindu. Arquivado dende o orixinal o 03 de novembro de 2004. Consultado o 19 de agosto de 2009.
- ↑ Lata Mangeshkar given Bharat Ratna Arquivado 11 de agosto de 2010 en Wayback Machine. The Hindu
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Lata Mangeshkar ![]() |
Bibliografía
[editar | editar a fonte]- Bichu, Dr. Mandar (2011). Lata — Voice of the Golden Era. Popular Prakashan. ISBN 978-81-7991-625-4.
- Bhimani, Harish (1995). In search of Lata Mangeshkar. Indus. ISBN 978-81-7223-170-5.
- Bharatan, Raju (1995). Lata Mangeshkar: A Biography. UBS Publishers Distributors. ISBN 978-81-7476-023-4.
- Kabir, Nasreen Munni (2009). Lata Mangeshkar: In Her Own Voice. Niyogi Books. ISBN 978-81-89738-41-9.
- Lata, Mangeshkar (1995). Madhuvanti Sapre; Dinkar Gangal, eds. In search of Lata Mangeshkar (en marathi). Harper Collins/Indus. ISBN 978-81-7223-170-5.. Colección de artigos escritos por Lata Mangeshkar dende 1952.
- Nerurkar, Vishwas. Lata Mangeshkar Gandhar Swaryatra (1945-1989) (en hindi). Mumbai: Vasanti P. Nerukar..
- Bichhu, Mandar V. (1996). Gaaye Lata, Gaaye Lata (en hindi). Sharjah: Pallavi Prakashan. ISBN 978-81-7223-170-5.. Colección de artigos escritor por Lata Mangeshkar dende 1952.