Leonid Kadeniuk
Leonid Kostiantinovich Kadeniuk, nado en Chernivtsi (Ucraína) o 28 de xaneiro de 1951 e finado o 31 de xaneiro de 2018, foi un astronauta ucraíno que formou parte da misión STS-87.[1][2]
Traxectoria
[editar | editar a fonte]Kadeniuk graduouse na Escola Superior de Aviación de Chernihiv en 1971 e no Instituto do Estado de Investigación Científica da Forza Aérea Soviética para adestramento de pilotos de probas en 1977. Rematou o seu adestramento como cosmonauta da Unión Soviética no Centro de Adestramento para Cosmonautas Yuri Gagarin en 1978. Obtivo tamén un máster en enxeñería mecánica polo Instituto de Aviación de Moscova en 1989.[1][2]
Kadeniuk nunca chegou a voar nunha misión da Unión Soviética. Despois da independencia de Ucraína foi seleccionado pola Axencia Espacial Nacional de Ucraína en 1996 para voar nunha misión da NASA, a STS-87, na que pasou 15,69 días no espazo. Faleceu o 31 de xaneiro de 2018.[1][2]
Notas
[editar | editar a fonte]- ↑ 1,0 1,1 1,2 Mark Wade (2020). "Kadenyuk, Leonid Konstantinovich" (en inglés). Consultado o 1 de agosto de 2020.
- ↑ 2,0 2,1 2,2 NASA, ed. (abril de 2001). "LEONID K. KADENYUKNSAU ASTRONAUT" (PDF) (en inglés). Consultado o 1 de agosto de 2020.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Leonid Kadeniuk ![]() |