Lisa Harriton
![]() (2008) ![]() | |
Biografía | |
---|---|
Nacemento | 17 de novembro de 1980 ![]() Londres, Reino Unido ![]() |
Datos persoais | |
País de nacionalidade | Estados Unidos de América ![]() |
Educación | Universidade do Sur de California USC Thornton School of Music (en) ![]() ![]() |
Actividade | |
Ocupación | cantante , compositora , teclista , cantautora , pianista ![]() |
Membro de | |
Xénero artístico | Música pop ![]() |
Instrumento | Upright piano (en) ![]() ![]() |
Páxina web | elleraemusic.com ![]() |
![]() ![]() |
Lisa Rae Harriton, nada en Londres o 18 de novembro de 1980, é unha música inglesa. Dende 2007 toca os teclados e faille os coros á banda de rock alternativo The Smashing Pumpkins. Harriton tamén é vocalista e compositora facendo unha mestura entre soul e pop influenciado polo jazz e a world music. Harriton comezou a súa carreira como vocalista de estudio con 8 anos de idade, facendo traballos para Disney, Integrity Media e Word Records.
Traxectoria
[editar | editar a fonte]A súa nai, Terry Harriton, é unha vocalista de estudio nos Ánxeles, o seu pai, Michael Harriton, é compositor e músico, e o seu irmán máis vello Steven tamén é músico. Harriton asistiu e completou estudos de piano clásico na Royal Schools of Music de Londres, e completou ademais estudos de piano de jazz na University of Southern California en maio do 2004.
Actuou en clubs de jazz na China, o Xapón, o Perú e os Estados Unidos e traballou con músicos como Ingrid Jensen e Ernie Watts. Apareceu nos American Music Awards do 2009 con Adam Lambert tocando os teclados, e tamén apareceu con Adam nos programas CBS Early Show, Late Night with David Letterman e The View.
The Smashing Pumpkins
[editar | editar a fonte]O 22 de maio do 2007, no club Le Grand Rex de París, deuse a coñecer como teclista e corista de xira da reformada The Smashing Pumpkins. Harriton aparece nos vídeos de "Tarantula" e "That's the Way (My Love Is)". O 9 de marzo do 2010 Billy Corgan, líder da banda, comezou a realizar audicións para un teclista con vistas ao seguinte traballo do grupo, Teargarden by Kaleidyscope.