Mustafa Madbuli
![]() ![]() | |
Nome orixinal | (ar) مصطفى مدبولي ![]() |
---|---|
Biografía | |
Nacemento | (ar) مصطفى كمال مدبولي محمد نصار ![]() 28 de abril de 1966 ![]() Sohag (Exipto) ![]() |
![]() | |
14 de xuño de 2018 – ← Xarif Ismail | |
Minister of Housing (en) ![]() | |
![]() | |
Datos persoais | |
País de nacionalidade | Exipto ![]() |
Relixión | Islam ![]() |
Educación | Universidade do Cairo ![]() |
Actividade | |
Ocupación | político ![]() |
Empregador | Exipto ![]() |
Partido político | político independente ![]() |
Lingua | Lingua árabe ![]() |
Participou en | |
22 de xaneiro de 2019 | Encontro Anual do Foro Económico Mundial de 2019 ![]() |
Mustafa Kamal Madbuli (en árabe: مصطفى كمال مدبولي), nado no Cairo o 28 de abril de 1966, é o actual primeiro ministro de Exipto. Foi nomeado polo presidente Abdul Fatah al-Sisi para suceder a Xarif Ismail trala súa renuncia.[1] Madbuli tamén serviu no goberno como Ministro de Vivenda e Servizos Públicos Urbanos e tamén brevemente como Primeiro Ministro Interino.
Traxectoria
[editar | editar a fonte]Madbuli graduouse na Universidade do Cairo, recibindo un mestrado e un PhD da facultade de enxeñaría en 1988 e 1997 respectivamente. Dende setembro de 2009 até novembro de 2011 foi o Presidente da Autoridade Xeral de Planificación Urbana do Ministerio de Vivenda, Servizos Públicos e Desenvolvemento Urbano; tamén foi director executivo do Instituto de Capacitación e Estudos Urbanos no Centro de Investigación de Vivenda e Construción do Ministerio de Vivenda. Dende novembro de 2012 até febreiro de 2014, foi o director rexional para os países árabes no Programa de Asentamentos Humanos das Nacións Unidas. En marzo de 2014 foi nomeado Ministro de Vivenda polo primeiro ministro Ibrahim Mahlab, posto que seguiu ocupando despois do nomeamento de Xarif Ismail como primeiro ministro en setembro de 2015. Durante o seu mandato como ministro de vivenda, o proxecto de "millóns de Casas" iniciado polo anterior Ministro de Vivenda Mohamed Fathy al-Barade concretouse, sendo un dos principais proxectos nacionais que entrou en vigor no goberno do presidente Abdul Fatah al-Sisi. Por razóns políticas e sociais, o proxecto, que foi suxerido por Baradie en 2011, detívose durante a era da irmandade musulmá, e entrou en vigor novamente cando Madbuli volveu ó cargo. En novembro de 2017, Madbuli foi nomeado primeiro ministro interino despois da partida do presidente Sherif Ismail a Alemaña para recibir tratamento médico.[2]
Primeiro ministro de Exipto
[editar | editar a fonte]O 7 de xuño de 2018, o presidente al-Sisi nomea a Madbuli como Primeiro Ministro, sucedendo a Xarif Ismail. O 9 de xuño, o primeiro ministro Madbuli reorganizou o gabinete exipcio e substituíu a oito ministros, entre eles o Ministro de Antigüidades Khaled Al-Anany, o Ministro de Recursos Humanos Mohamed Saafan, o Ministro de Rego Mohamed Abdel Aty, o Ministro de Saúde Ahmed Emaddin e o Ministro de Agricultura Abdel Moniem al-Banna e o Ministro de Educación Superior, Khaled Abdel Ghaffar. O 10 de xuño, revelouse que oito mulleres servirían no seu gabinete, rompendo o número marca da administración anterior de seis.[3] A lista final de candidatos para postos ministeriais inclúe a Assem El-Gazar como ministra de vivenda; Ala Zayed como ministra de saúde; Yasmeen Fouad como ministro de medio ambiente; Mohamed Eissa como ministro da man de obra; Amr Nassar como ministro de comercio e industria; Magdy Abo El-Ela como ministra de xustiza, Ala El-Khatib ou Ashraf Sobhy como ministra de Mocidade e deportes; Mahmoud Shaarawy como ministro de estado para o desenvolvemento local; e Mohamed Moiet como novo ministro de finanzas.[4]
Notas
[editar | editar a fonte]- ↑ "El primer ministro egipcio presenta su dimisión tras el inicio del mandato de Al Sisi". www.efe.com (en castelán). Consultado o 23 de julio de 2018.
- ↑ "Knowing Egypt’s new PM, Moustafa Madbouly - Egypt Today". Consultado o 23 de xullo de 2018.
- ↑ "Egypt’s Cabinet to include 8 female ministers for 1st time - Egypt Today". Consultado o 23 de julio de 2018.
- ↑ "Egypt new PM Madbouly settles on new cabinet; list to be presented to President Sisi Monday - Politics - Egypt - Ahram Online". Arquivado dende o orixinal o 14 de xuño de 2018. Consultado o 23 de julio de 2018.