Stade de France
Stade de France | |
---|---|
![]() | |
Datos | |
Coordenadas | 48°55′28″N 2°21′36″L / 48.924444444444, 2.36Coordenadas: 48°55′28″N 2°21′36″L / 48.924444444444, 2.36 |
Localización | Saint-Denis, Francia |
Construción | |
Inauguración | 28 de xaneiro de 1998 |
Arquitecto | Michel Macary Aymeric Zublena Michel Regembal Claude Constantini |
Custo | 364 millóns de € |
Estadio | |
Superficie | Céspede natural |
Dimensións | 119 x 75 |
Capacidade | 81.338 |
Propietario | Consortium Stade de France |
Operadora | Consortium Stade de France |
Localía | Selección de rugby de Francia Selección de fútbol de Francia |
Web | http://www.stadefrance.com/ |
Eventos | |
| |
[ editar datos en Wikidata ] |
O Stade de France (Estadio de Francia en francés) é un estadio situado en Saint-Denis, ao norte de París, en Francia. Cunha capacidade para 81.338 espectadores é o maior estadio do país.
Inaugurouse o 28 de xaneiro de 1998 no partido de fútbol entre Francia e España. Construído para o Mundial de Fútbol de 1998, deseñouse tamén para acoller diversos eventos deportivos (fútbol, rugby, atletismo, probas automobilísticas), concertos e grandes espectáculos en xeral. A súa capacidade oscila entre 75.000 asentos (atletismo), 81.338 (fútbol e rugby) e 90.000 (concertos, espectáculos) grazas ás súas bancadas inferiores retráctiles.
Esta construción tivo por obxectivo facer coñecer e desenvolver a zona de La Plaine - Saint-Denis, unha zona industrial en declive, con novos barrios residenciais e novas actividades terciarias. O Stade de France permitiu dar un rostro atractivo á dirección das empresas.
Esta zona benefíciase das boas comunicacións do estadio: 2 estacións RER (liñas B e D), unha estación de metro e conexións de liñas de autobús co norte, o oeste e o centro de París.
O equipo de arquitectos que o deseñaron está composto por Michel Macary, Aymeric Zublena, Michel Régembal e Claude Costantini (asociación das axencias SCAU e C. R. Architecture). O Xefe de Proxecto foi o arquitecto Norteamericano Tom Sheehan, cuxa labor neste proxecto tivo como recompensa a obtención da Medalla de Prata da Academia Francesa de Arquitectura. A xestión e mantemento do estadio corre a cargo da empresa Bouygues, GTM, unha filial de Vinci e STF.
Historia
[editar | editar a fonte]Concibido coa axuda dun programa informático de simulación de xentío, o Stade de France permite unha evacuación moi ordenada e que evita as aglomeracións, en comparación á de estadios máis pequenos que el.
Dende 1998, desenvólvense alí as finais da Copa de Francia, da Copa da Liga de fútbol, os partidos do Torneo das Seis Nacións e a final do campionato de Francia de rugby. Acolleu tamén o Campionato do Mundo de Atletismo en 2003 e a final da Liga de Campións de fútbol en 2000, na que o Real Madrid impúxose ao Valencia CF por 3-0. O 17 de maio de 2006 acolleu a final de Liga de Campións entre o FC Barcelona e o Arsenal FC, na que o conxunto catalán impúxose por 2 a 1.
Levou provisionalmente o nome de Stade de France - París 2012 (posto que sería o estadio olímpico de París 2012) até a designación de Londres para os Xogos Olímpicos de 2012.