Ադրբեջանում անցկացվելիք COP29 գագաթնաժողովին Հայաստանի մասնակցության վերաբերյալ որոշում այս պահին չկա, այսօր հրավիրված ասուլիսի ժամանակ հայտարարել է ՀՀ վարչապետ Նիկոլ Փաշինյանը։
«Մենք պատշաճ ժամանակներում կկայացնենք որոշումներ: Պիտի ուղիղ ասեմ, որ այս պահին մենք չունենք որոշում: Իհարկե, ընդհանուր իրադրությունը, պրոցեսները, մթնոլորտը այդ որոշման վրա չեն կարող չազդել: Եթե հիմա տեսականորեն խոսենք, տեսական որևէ որոշում բացառել չի կարելի: Նայած, թե այդ ժամանակ ինչ իրադրություն կլինի, և իրադրության գնահատմամբ՝ կկայացնենք որոշում»,- ասել է Փաշինյանը։
