Գիլֆորդ (անգլ.՝ Guildford[ˈɡɪlfə(r)d]. /ˈɡɪlfərd/ (լսել))[2]), քաղաք Անգլիայի հարավ-արևելքում՝ Սուրեյ կոմսությունում, որի, ինչպես նաև Գիլֆորդի շրջանի (բորոյի) վարչական կենտրոնն է։ Ընկած է Լոնդոնի կենտրոնից մոտավորապես 45 կիլոմետր դեպի հարավ-արևմուտք, Թեմզայի աջ վտակ Ուեյ գետի ափին։ 2001 թվականի տվյալներով քաղաքն ուներ 69.400 բնակիչ[3]։ Գիլֆորդում է գործում Սուրեյի համալսարանը։ Զարգացած են մետաղամշակությունը, ավտոմոբիլաշինությունը, տեքստիլ և քիմիական արդյունաբերությունը[4]։
Գիլֆորդը Գելդեֆորդ / Գիլդեֆորդ անվանումով հիշատակված է «Ահեղ դատաստանի գիրք» վերնագրով հայտնի ձեռագիր մատյանում՝ Domesday Book-ում, որը գրվել է 1086 թվականին[5]։