Ջոն Նևիլը ծնվել է Լոնդոնում, 1925 թվականին։ Երկրորդ համաշխարհային պատերազմի ժամանակ ծառայել է Մեծ Բրիտանիայի արքայական ռազմածովային նավատորմում։ Պատերազմից հետո դերասանի վարպետություն է սովորել Դրամատիկական արվեստի արքայական ակադեմիայում։ 1947 թվականին առաջին անգամ խաղացել է «Ռիչարդ II» պիեսում, Լոնդոնի Նոր թատրոնում[5]։ 1953 թվականին ընդունվելով Օլդ Վիկ թատրոն` Ջոն Նևիլն արագ դարձել է «շեքսպիրյան» դերասան` խաղալով Ռիչարդ II-ի, Ռոմեոյի և Համլետի դերերը, ինչպես նաև` Ռիչարդ Բյորտոնի հետ հերթափոխով խաղացել է Օթելլո և Յագո։ 1961 թվականին հեռացել է Լոնդոնից և միացել է Նոթինգհեմյան թատրոնին։
1972 թվականին ընտանիքի հետ մեկնել է Կանադա։ 1973-1978 թվականներին եղել է Էդմոնտոնի Ցիտադել թատրոնի գեղարվեստական ղեկավարը։ 1978-1983 թվականներին եղել է Գալիֆակսի Նեպտուն թատրոնի գեղարվեստական ղեկավարը։ 1985-1989 թվականներին եղել է Ստանֆորդի շեքսպիրյան թատերական փառատոնի գեղարվեստական ղեկավարը[6][7][8]: