Սաիդա
Բնակավայր | |||
---|---|---|---|
Սաիդա | |||
![]() | |||
Երկիր | ![]() ![]() | ||
Համայնք | Saïda District? | ||
Հիմնադրված է | 1854 թ. | ||
Մակերես | 75,62 կմ² | ||
ԲԾՄ | 980±1 մետր | ||
Բնակչություն | 128 413 մարդ (2008)[1] | ||
Ժամային գոտի | UTC+1 | ||
Փոստային դասիչ | 20000 | ||
| |||
Սաիդա[2] (արաբ․՝ سعيدة), քաղաք Ալժիրի հյուսիսարևմտյան մասում։ Նույնանուն վիլայեթի վարչական կենտրոնն է։
Աշխարհագրական դիրքը
[խմբագրել | խմբագրել կոդը]Գտնվում է վիլայեթի հյուսիս-արևմուտքում, Ատլասի լեռներում, ծովի մակերևույթից 868 մետր միջին բարձրության վրա[3].
, երկրի մայրաքաղաք Ալժիրից մոտավորապես 335 կիլոմետր դեպի հարավ-արևմուտք։ Շրջակայքում կան 1 000-1 200 մետր բարձրությամբ սարեր[4][5]։
Պատմություն
[խմբագրել | խմբագրել կոդը]Աշխարհագրական բարենպաստ դիրքի շնորհիվ Սաիդան ռազմավարական կարևոր նշանակություն է ունեցել. դեռևս հինհռոմեական ժամանակներում այստեղ բերդ է կառուցվել[4]։ Բնակավայի ամրություններն օգտագործել է նաև 19-րդ դարի Ալժիրի ազգային-ազատագրական շարժման առաջնորդ Աբդ ալ Քադիրը, ով 1844 թվականին, երբ ֆրանսիական զորքերը մոտեցել են, այրել է քաղաքը։ Ֆրանսիացիները վերականգնել են այն և դարձրել իրենց ֆորպոստը, որտեղ մի ժամանակ հանգրվանել է ֆրանսիական օտարերկրյա լեգեոնի գնդերից մեկը։ Բնակավայրի բուռն թափով աճին նպաստել է երկաթուղու բացումը 1862 թվականին։ 1896 թվականին քաղաքի բնակչության թվաքանակն արդեն հասել էր 7 803-ի[4], ընդ որում՝ բնակիչներից 3641-ը մուսուլմաններ էին[4], 2801-ը՝ ֆրանսիացիներ[4], 1348-ը՝ այլ եվրոպացիներ[4] (հիմնականում իտալացիներ, իսպանացիներ, մալթացիներ)։ Ըստ պաշտոնական տվյալների՝ քաղաքում ապրել է նաև 13 հրեա[4]։
Պատկերասրահ
[խմբագրել | խմբագրել կոդը]-
Տեսարան քաղաքից
-
Տեսարան քաղաքից
-
Տեսարան քաղաքից
Ժողովրդագրություն
[խմբագրել | խմբագրել կոդը]2008 թվականին անցկացված մարդահամարի տվյալներով քաղաքի բնակչության թվաքանակը եղել է 128 413[6]:
Քաղաքի բնակչության թվաքանակի փոփոխությունները.
1977 | 1987 | 1998 | 2008 | 2012 |
---|---|---|---|---|
53 450 | 81 874 | 115 106 | 128 413 | 141 020[7] |
Բնակչության միջին տարեկան աճը կազմել է 1,12%[8]։
Տրանսպորտ
[խմբագրել | խմբագրել կոդը]Սաիդայից 3 կիլոմետր դեպի հյուսիս ընկած է նույնանուն օդանավակայանը[3]։ Քաղաքն այլ բնակավայրերի հետ կապված է նաև երկաթուղով ու ավտոտրանսպորտով։
Տնտեսություն
[խմբագրել | խմբագրել կոդը]Սաիդան գյուղատնտեսական արտադրանքի թողարկման տարածաշրջանային կենտրոն է։ Շրջապատող սարերն անտառապատ են։ Քաղաքի մերձակա դաշտերում աճեցնում են ցորեն, ձիթապտուղ, խաղող, էսպարտո։ Զարգացած է անասնապահությունը[9]։ Արտադրվում են ձավարեղեն, բուրդ, կաշվեղեն։ Սաիդան կրում է «Ջրերի քաղաք» մականունը. շրջակայքում կան հանքային առատ աղբյուրներ, որոնց ջուրը շշալցվում է և վաճառքի հանվում[4]։
Ծանոթագրություններ
[խմբագրել | խմբագրել կոդը]- ↑ Saïda (Province Capital, Saïda, Algeria) - Population Statistics, Charts, Map and Location
- ↑ Атлас мира. — М.: Федеральная служба геодезии и картографии России: Издательский Дом ОНИКС, 2000 — стр. 212
- ↑ 3,0 3,1 «Saida, Algeria Page» (անգլերեն). Fallingrain Global Gazetteer. Արխիվացված օրիգինալից 2013 թ․ հունվարի 17-ին. Վերցված է 2012 թ․ դեկտեմբերի 5-ին.
- ↑ 4,0 4,1 4,2 4,3 4,4 4,5 4,6 4,7 «Saïda | Algeria». Encyclopedia Britannica (անգլերեն). Վերցված է 2019 թ․ մարտի 14-ին. Քաղվածելու սխալ՝ Սխալ
<ref>
թեգ. «:0» անվանումը սահմանվել է մի քանի անգամ, սակայն տարբեր բովանդակությամբ: - ↑ «Saïda | Algeria». Encyclopedia Britannica (անգլերեն). Վերցված է 2020 թ․ հունվարի 31-ին.
- ↑ «Saida» (անգլերեն). World Gazetteer. Արխիվացված օրիգինալից 2013 թ․ հունվարի 17-ին. Վերցված է 2012 թ․ դեկտեմբերի 5-ին.
- ↑ расчётное
- ↑ «Saïda (Province Capital, Saïda, Algeria) - Population Statistics, Charts, Map and Location». citypopulation.de. Վերցված է 2020 թ․ հունվարի 31-ին.
- ↑ «Saпda» (անգլերեն). LookLex Encyclopaedia. Արխիվացված օրիգինալից 2013 թ․ հունվարի 17-ին. Վերցված է 2012 թ․ դեկտեմբերի 5-ին.
Գրականություն
[խմբագրել | խմբագրել կոդը]- Étude hydrogéologique des Monts de Saida, Clair André, Alger, 1952
- Eugène Fromentin, Une année dans le Sahel
![]() | Վիքիպահեստն ունի նյութեր, որոնք վերաբերում են «Սաիդա» հոդվածին։ |
|