The Independent
The Independent անգլ.՝ The Independent[1] | |
---|---|
Տեսակ | օրաթերթ և առցանց լրագիր |
Լեզու | բրիտանական անգլերեն և անգլերեն[1] |
Հիմնադրվել է | 1986 |
Սեփականատեր | Ալեքսանդր Լեբեդև |
Երկիր | ![]() |
Հրատարակման վայր | Միացյալ Թագավորություն[1] |
Գրասենյակ | Լոնդոն, Անգլիա |
ISSN | 1741-9743 |
OCLC | 185201487 |
Կայք | independent.co.uk(անգլ.) |
![]() |
«Ինդեփենդենտ» (անգլ.՝ The Independent՝ «անկախ»), բրիտանական օրաթերթ։ Գաղափարապես մոտ է լիբերալ դեմոկրատ կուսակցությանը, հատուկ ուշադրություն է դարձնում մարդու իրավունքներին վերաբերող խնդիրներին։ 2009 թվականին պարբերականի շրջանառությունը եղել է 183,5 հազար օրինակ (ամենաքիչը բրիտանական օրաթերթերի շարքում), շաբաթօրյա թողարկման («The Independent on Sunday») շրջանառությունը՝ 155,6 հազար օրինակ[2]։ 2013 թվականի նոյեմբերին, ABC հետազոտական ընկերության տվյալներով, պարբերականի շրջանառությունը եղել է 67,7 հազար օրինակ, 2014 թվականի ապրիլին՝ 63,4 հազար օրինակ[3]։
Հիմնադրվել է 1986 թվականին The Daily Telegraph պարբերականի նախկին երեք լրագրողների կողմից՝ Անդրեաս Ուիտտամ Սմիթի, Ստիվեն Գլովերի և Մեթյու Սիմոնդսի[4]։
2010 թվականի մարտին հայտարարվեց, որ պարբերականը գնվել է ռուս գործարար Ալեքսանդր Լեբեդևի կողմից։ Գործի գինը խորհրդանշական 1 ֆունտ էր[2]։ Վաճառքի հետ միաժամանակ հայտարարվեց նաև Այվեն Ֆալլոնի հրաժարականի մասին, ով «Ինդեփենդենտ» и «Independent on Sunday» պարբերականների անմիջական ղեկավարն էր[5]։
2010 թվականի հոկտեմբերի 26-ին սկսեց լույս տեսնել նոր ամենօրյա սեղմ ծրագիր՝ «i», օրաթերթ երիտասարդ ընթերցողների համար[4]։
Համաձայն ռուսական Բի-Բի-Սի ծառայության, 2012 թվականի հունվարի 3-ին պարբերականի սեփականատերն Ալեքսանդր Լեբեդևի որդին է՝ Եվգենի Լեբեդևը[6]։
2014 թվականի հունվարին The Guardian պարբերականը հայտարարեց, որ Ալեքսանդր Լեբեդևը վաճառքի է հանել «Ինդեփենդենտ», «The Independent on Sunday» և «i» պարբերականները։ Վաճառքի պատճառը խմբագրության կորուստներն էին։ 2012 թվականին, համաձայն «Ինդեփենդենտ» պարբերականի հաշվետվության, մաքուր կորուստը կազմել է 14 միլիոն ֆունտ (2011 թվականին՝ 18 միլիոն ֆունտ)[4]։
Համաձայն ռուսական «Կոմերսանտ» պարբերականի, «Ինդեփենդենտ» պարբերականի և դրա հետ կապված ապրանքանիշների վաճառքը կապված էր Ալեքսանդր Լեբեդևի ֆինանսական ծանր դրության հետ[7]։
Համաձայն The Guardian պարբերականի տեղեկատվության, նոր ներդրողների փնտրտուքով զբաղվում էր «Independent Print» հրատարակչության տնօրենների խորհրդի նախագահ և պարբերականի հիմնադիրներից մեկը համարվող Անդրեաս Ուիտտամ Սմիթը[4]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 The ISSN portal — Paris: ISSN International Centre, 2005. — ISSN 0951-9467
- ↑ 2,0 2,1 Ксения Болецкая. Русский хозяин британской прессы // Ведомости, № 53 (2571), 26.03.2010
- ↑ Данные newsworks.org.uk Արխիվացված 2015-03-16 Wayback Machine
- ↑ 4,0 4,1 4,2 4,3 Катерина Китаева. Александр Лебедев готов избавиться от газеты The Independen // www.rbcdaily.ru, 17.01.2014
- ↑ Прогоревшую британскую антиизраильскую газету купили за 1 фунт Արխիվացված 2010-03-27 Wayback Machine // Zman.com, 26.03.2010
- ↑ Би-Би-Си: «Пресса Британии: Лондон стал прибежищем для жуликов»
- ↑ Павел Белавин, Елизавета Кузнецова. Александр Лебедев отписывается от газет // Коммерсантъ, № 5 (3381), 17 января 2014