Kurów
Kurów | |
---|---|
Purok | |
Katoliko a Simbaan | |
![]() | |
Nagsasabtan: 51°24′N 22°11′E / 51.400°N 22.183°ENagsasabtan: ![]() | |
Probinsia | Lublin |
Kondado | Puławy |
Munisipalidad | Kurów |
Pannakabangon | Mika-12 a siglo (karkulo) |
Dagiti karbengan ti siudad | 1442-1870 |
Gobierno | |
• Mayor | Maria Wiejak |
Kalawa | 11.33 km2 (4.37 sq mi) |
Kangato | 157 m (515 ft) |
Populasion (31.12.2011) | 2,858 |
• Densidad | 252/km2 (650/sq mi) |
Sona ti oras | UTC+1 (CET) |
• Kalgaw (DST) | UTC+2 (CEST) |
Kodigo ti koreo | 24-170 |
Kodigo ti lugar | +48 81 |
Dagiti plata ti karro | LPU |
Ti Kurów [ˈkuruf] (dengngen) ket maysa a purok idiay abagatan a daya iti Polonia, a mabirukan idiay nagbaetan ti Puławy ken Lublin, idiay karayan Kurówka. Daytoy ket kapitolio ti naisina a gmina (munisipalidad) a matawtawagan ti Gmina Kurów, iti kaunegan ti Probinsia ti Lublin. Daytoy a purok ket addaan kadagiti 2,817 nga agtataeng (manipud idi 2015).
Pakasaritaan
[urnosen | urnosen ti taudan]Ti immuna a pannakaammo ti Kurów ket manipud iti dokumento a naited idi 1185, a nangibaga ti simbaan a naipammadayaw kenni Santo Giles ket adda idin iti datoy a lugar. Idi nagbaetan ti 1431 ken 1442 ti purok ket naikkan ti pannakasiudad a naibatay iti Magdeburg a Linteg. A kas maysa a pribado nga ili, daytoy ket sentro ti komersio kadagiti makmakan a nagtaud manipud kadagiti nakapalikmut a luglugar. Adda met dagiti pabrika ti dutdot ken lalat a mabirukan ditoy. Idi maika-16 a siglo, ti Kurów ket maysa a sentro iti Kalbinismo, gupu ta adu dagiti Polako nga Agkakabsat a nagtaeng ditoy. Idi 1660, adu kadagiti nagtaeng ket nagbalinda nga Arianismo.
Kalpasan idi 1660, daytoy nga ili ket bakibinningay ti pakasaritaanna iti intero a rehion. Idi 1795, kalpasan ti maikatlo a pannakabingbingay iti Polonia, ti Kurów ket innala ti Austria. Idi 1809, nagbalin a parte ti Dukado iti Warsaw. Idi 1815, ti Kurów ket nagbalin a paset ti Pagarian ti Polonia. Idi panawen ti Yaalsa ti Nobiembre, idi Pebrero 1831, nangrugi ti bassit a Gubat ti Kurów, idi dagiti tropa ti Polonia babaen ni heneral Józef Dwernicki ket inabakda ti buyot ti Rusia. Idi 1870, kalpasan ti mano a tawen ti Yaalsa ti Enero, ti ili ket napukawna ti dokumento ti linteg a pannakasiudadna, a daytoy ket saanna a naala manen. Manipud idi 1918, ti Kurów ket nagbalin manen a parte ti Polonia.
Dagiti akinruar a silpo
[urnosen | urnosen ti taudan] Dagiti midia a mainaig iti Kurów iti Wikimedia Commons