Nora Aunor
Nora Aunor | |
---|---|
![]() Ni Aunor idi 2012 | |
Nayanak | Nora Cabaltera Villamayor Mayo 21, 1953 Iriga, Camarines Sur, Filipinas |
Pakipagilian | Filipino |
Nagnagan | Ate Guy |
Trabaho |
|
Tawen nga aktibo | 1967–agdama |
A(s)sawa | Christopher de Leon (1975–1980; nawaswas ti pannakiasawa idi 1996) |
Annak | 5 (1 a biolohiko, 4 nga inampon mairaman da Lotlot de Leon ken Matet de Leon) |
Website | theartistryofnoraaunor.com |
Ni Nora Aunor (nayanak a kas ni Nora Cabaltera Villamayor; Mayo 21, 1953)[1] ket maysa a Filipina nga aktres, agpatpataud iti rekord, ken agpatpataud iti pelikula. Nagparang pay ni Aunor kadagiti nadumaduma a drama ti entablado, dagiti pabuya ti telebision, ken dagiti konsierto. Isu ket ammo a kas ti "Superstar" ti pelikula a Filipino ken mabigbig a kas ti Nailian nga Artista ti Tattao.[2] Kinunkuna ti The Hollywood Reporter isuna a kas ti "The Grand Dame of Philippine Cinema" para iti panagpabuyana iti pelikula ti Taklub ken ti kontribusionna iti industria ti pelikula ti Filipinas.[3]
Inrugi ni Aunor ti pagsapulanna kas maysa a kumakanta, kalpasan ti panangabakna iti maysa a panagbiruk iti lokal a talento.[4] Simmikat isuna kadagiti simmaruno a tawen a kas kumakanta ken aktres. Kalpasan ti immuna a pelikulana iti All Over the World (1967), napan isuna iti nakaro drama kadagiti pelikula kas ti Tatlong taong walang Diyos (1976), Himala (1982) ken Bona (1980). Dagiti panagpabuyana iti The Flor Contemplacion Story (1995) ken Thy Womb (2012), ket nakaited kaniana kadagiti internasional ken lokal a gungguna ken nominasion.[5]
Para iti obrana, nakaawat ni Aunor kadagiti 17 a nominasion ti Gungguna ti FAMAS ken naidutok iti "Hall of Fame", nangabak kadagiti lima a Gungguna ti Kalaingan nga Aktres. Isu ti kaaduana nainomido nga aktres iti pakasaritaan ti Gungguna ti Gawad Urian nga agraman kadagiti 21 a nominasion ken nangabak kadagiti pito. Nangabak isuna kadagiti walo a tropeo manipud kadagiti Gungguna ti PMPC Star para iti obrana iti telebision ket pelikula, ken dagiti pay walo a gungguna ti Piesta ti Pelikula ti Metro Manila, dagiti uppat a Gungguna ti Luna, dagiti lima a Gungguna ti Young Critics Circle, maysa a gungguna ti Piesta ti Pelikula ti Cairo, maysa a Gungguna ti Asia Pacific Screen, maysa a Gungguna ti Pelikula ti Asia, ken dadduma pay.
Bukod a biag
[urnosen | urnosen ti taudan]Nayanak ni Aunor was iti Barrio San Francisco, Iriga, Camarines Sur kada Antonia Cabaltera ken Eustacio Villamayor. Adda dagiti siam a kakabsatna, mairaman ni Eddie Villamayor, ti maysa a dati nga aktor. Idi dumakdakkel ni Nora, sinursuruan ni apongna a Theresa nga agkanta; ti immuna a naadalna a kanta ket ti "The Way of a Clown". Ti ikitna a ni Belen Aunor, ket sinursuruanna isuna iti nalawag a panangibalikas, interpretasion, ken panangiyebkas bayat nga agkankanta, ken isu ti nangited kaniana ti naganna iti iskrin.[6] Sakbay a nagsikat, napanglaw isuna idi ubing; naglaklako iti mani kadagiti bus. Ni Nora ket nagbalin a kampeon ti salisal ti panagkanta ti Darigold Jamboree ken ti nangabakanna a kanta ket ti "You and the Night and the Music." Kalpasan dayta, nangabak pay iti sabali a salisal ti panagkanta, ti The Liberty Big Show. Simrek ni Nora iti nailian a salisal ti panagkanta, ti Tawag ng Tanghalan, naabak iti immuna a panangipadasna, ken nagbalin a kampeon iti maikadua. Ti Grand National Finals ti Tawag ng Tanghalan ket idi Mayo 29, 1967, a kinantana ti "Moonlight Becomes You."[7]
Nagbasa ni Nora idiay Mabini Memorial College ('59–'60) idi adda isuna iti grado I ken immakar iti Nichols Air Base Elementary School ('60–'62) idi nakaabot iti grado II. Nagturpos isuna ti high school idiay Generosa de Leon Memorial College iti Paranaque, ti maysa a sanga ti Unibersidad ti Centro Escolar.
Pannakiasawa ken kamaudian a biag
[urnosen | urnosen ti taudan]Inasawa ni Aunor ni aktor Christopher de Leon idi Enero 25, 1975, iti maysa a sibil a seremonia. Isu ken ni De León adda maysa a biolohiko nga anakda: ni aktor Ian de León (nayanak 1975) ken uppat nga inampon nga annak, da Lotlot De Leon[8] Matet de Leon, Kiko ken Kenneth. Nakallaysa manen isuna ken ti asawana idi Enero 27, 1976, iti maysa a relihioso a serbisio babaen ni Rev Alleysius Rodríguez.[9] Nagsina ti agassawa, ken nawaswas ti pannakiasawada idi 1996.[10]
Ni Aunor ket nagbalin a permanente a residente ti Estados Unidos idi 2008, ngem nangitalinaay met ti pannakaumilina iti Filipinas. Idi 2011, nagsubli isuna iti Filipinas tapno ituloyna ti pagsapulanna a panagarte ken panagkanta kalpasan ti kaawan iti walo a tawen.[11][12]
Dagiti nagibasaran
[urnosen | urnosen ti taudan]- ^ "10 things we love about Nora". Naala idi Mayo 21, 2012.
- ^ News about Aunor's as the People's National Artist
- "PUP, ACT name La Aunor 'Artista ng Mamamayan'". Naala idi Agosto 29, 2014.
- "ATE GUY, PINARANGALAN SA PAGTATAGUYOD NG 'FILIPINO' SA MGA PELIKULA". Naiyarkibo manipud iti kasisigud idi 2017-09-11. Naala idi Agosto 19, 2014.
- "Nora Aunor recognized anew for 'Minsa'y Isang Gamu-Gamo'". Naala idi Marso 7, 2014.
- ^ "Taklub': Cannes Review". Hunio 9, 2015. Naala idi Hulio 23, 2013.
- ^ "RIDING A MOONBEAM TO FAME By Alex D. Allan, Manila Chronicle Entertainment Guide, June 17, 1967". Hunio 29, 2013. Naala idi Hulio 23, 2013.
- ^ . Naiyarkibo manipud iti kasisigud idi Mayo 14, 2007. Naala idi Enero 16, 2013.
- ^ "Nora Aunor profile". Naala idi Enero 19, 2013.
- ^ "NORA AUNOR SINGS 'MOONLIGHT BECOMES YOU'". Naala idi Enero 19, 2013.
- ^ "Lotlot De Leon Grateful To Both Biological And Adoptive Parents". Naala idi Enero 22, 2013.
- ^ "Nora Aunor trivia". Naala idi Enero 20, 2013.
- ^ "Matet Shares secret of nora as supermom". Naala idi Enero 16, 2013.
- ^ "Nora comes home July 21". Naala idi Enero 16, 2013.
- ^ "The Philippine 'Superstar' is back". Naiyarkibo manipud iti kasisigud idi 2012-10-30. Naala idi Enero 22, 2013.
Dagiti akinruar a silpo
[urnosen | urnosen ti taudan] Dagiti midia a mainaig ken ni Nora Aunor iti Wikimedia Commons
- The Artistry of Nora Aunor Naiyarkibo 2015-09-11 iti Wayback Machine
- Nora Aunor iti Internet Movie Database (iti Ingles)
- Nora Aunor iti TCM Movie Database