Network ti Biblioteka ti Akinlaud a Suisa
Pagilian | Suisa (Romandy) |
---|---|
Kita | Katologo ti kappon |
Pannakabangon | 1985 |
Lokasion | Martigny, Valais |
Nagsasabtan | 46°06′20″N 7°04′42″E / 46.10553440°N 7.07829060°ENagsasabtan: (iti Pranses) |
Ti Network ti Biblioteka ti Akinlaud a Suisa (Pranses: Réseau des bibliothèques de Suisse occidentale; RERO) ket pinundar idi babaen dagiti nadumaduma a nagruna a biblioteka idin 1985, iti agsasao ti Pranses a rehion ti Romandy iti akinlaud a Suisa. Ti RERO ket ti maysa a silabiko a pangyababaan ti "Réseau Romand" ("Network ti Romand").
Mangiraman ti RERO iti kaaduan dagiti kantonal, akademiko, publiko, ken dagiti espesialisado a biblioteka iti Suisa. Daytoy ket mangimaton iti maysa a katologo ti kappon dagiti 180 a biblioteka nga agserbi kadagiti 50,000 nga estudiante manipud kadagiti tallo nga akademiko nga unibersidad; ti Hinebra, Friburgo, ken Neuchâtel; ti Unibersidad dagiti Naipakat a Siensia ken Arte; ken ti Dagiti Unibersidad ti Edukasion ti Manursuro.
Manipud idi 2019, mangipaay ti panagserrek ti katologo ti RERO kadagiti agarup a 6.8 a riwriw a bibliograpiko a deskripsion para kadagiti sumurok a 10 a riwriw a dokumento. Mangipalawag pay ti katologo kadagiti 222,400 a periodiko, a mairaman dagiti 3,169 nga elektroniko a warnakan. Iti pay maipatinayon kadagiti katologona, mangsuporta ti RERO iti maysa a sistema ti panagbulod kadagiti sabali a biblioteka, ti bukodna a sistema ti panag-indeks, ti maysa a dihital a biblioteka a naibatay iti maysa a pamunganayan iti nawaya panagserrek, ken ti maysa a sistema ti pederado a panagbiruk.
Dagiti nagibasaran
[urnosen | urnosen ti taudan]- ^ Google (10 Abril 2021). "RERO (Réseau des bibliothèques de Suisse occidentale)" (Mapa). Google Maps. Google. Naala idi 10 Abril 2021.
Dagiti akinruar a silpo
[urnosen | urnosen ti taudan]- Opisial a website
(iti Pranses)