| Cosaan no Seereer (mbaa Istuwaar no Seereer) refu istuwaar no xeet Seereer fop fo a ɗelem alu waagona laya. A qaaj a mayu no Cosaan no Seereer kaa nduq no ngim Seereer (a ƭat Roog), a refangaa sax ee a pind ake in ndefna mbaamir kaa njeema nqaaj a den ndax a kalase a den, o leng waage damta den kaa xaajuna. O xuna liraa kaa waro ɗeet no ngim seereer ndax ta waago jeg o and o xooɗu no istuwaar seereer.
Na cosaanum, o Seereer kaa xooxoogu, a faalaa, a sexaa suk, a gayaa, a njegaa lanG (ta hat’u no lamaan kaa). Ndiikii koy, Seereer we ndokayo no qeet calel maak ke fop, nen a kate, polotik, a cang, xa and fa cikax.
Ke jangtuuna na siyeekal 11andeer yaa fo almorawid waa, boo na siyeekal 19andeer no Siriiñ waa mbafit’ina Senegambi, Seereer we kaa mbañ’u Lislaam, a ndam no ngim den fa cosaan den. Ndaa xaye, a jega Seereer mayu waa ndefna culiit fo kerceen a ngen Tafil-saax. A jega iitam waa maadna no pangool kaa (A ƭat Roog).
|
._19th_Century._Jung-Jung_From_The_Kingdom_of_Sine_(in_modern_day_Senegal).jpg)
.jpg)
