Kutha Kadhiri
Kadhiri كُوڟا كاڎيري ꦏꦸꦛꦑꦼꦝꦶꦫꦶ | |||
---|---|---|---|
Kutha | |||
| |||
Sesanti: Djojo ing Bojo ꦗꦪꦲꦶꦁꦧꦪ | |||
![]() Pernahé Kadhiri ing Jawa Wétan | |||
Nagara | Indonésia | ||
Provinsi | Jawa Wétan | ||
Dina Dadi | 27 Juli 879 | ||
Pamaréntahan | |||
• Walikutha | Abdullah Abu Bakar, S.E. | ||
• Wakil Walikutha | Lilik Muhibbah, S.Sos., M.Pd. | ||
Laladan | |||
• Gunggung | 63,40 km2 (2,450 sq mi) | ||
Cacah warga (Sènsus 2010) | |||
• Gunggung | 267,435 | ||
• Pepadhet | 42/km2 (110/sq mi) | ||
Bebrayan | |||
• Wong | Jawa, Madura, Arab, Cina lan liya-liya | ||
• Basa | Jawa, Madura lan Indonesia | ||
• Kepercayan | Islam, Kristen Protestan, Katulik, Buddha, Hindu | ||
Zona wektu | WIK (UTC+7) | ||
Kodhe laladan | (+62) 354 | ||
Plat montor | AG | ||
Situs wèb | www (ing basa Indonésia) |
Kutha Kadhiri (Carakan: ꦏꦸꦛꦑꦼꦝꦶꦫꦶ, Pegon: كُوڟا كاڎيري), inggih punika salah sawijining kutha kang dumunung ing Jawa Wétan, jembaripun sawatawis 63.40 km pasagi.
Sajarah
[besut | besut sumber]Kutha Kadhiri duwé sajarah kang mulya. Kadhiri ing jaman biyèn dadi laladan wigati ing nusantara. Pusating kraton ing nusantara pas wektuné. Kadhiri uga dadi laladan cikal bakal lairé kraton-kraton gedhé kang minayungi kraton-kraton liya.
Tegesé Lambang Kutha Kadhiri
[besut | besut sumber]- Buta Lacaya: Buta Lacaya yaiku jeneng patih ing papréntahan Sri Aji Jayabaya kang setia, labuh nagari utawa adaté mau Ki Ageng Dhoho. Penjaga Kadhiri kang teguh, lamba.
- Perisai: Lambang pertahanan
- Macan Putih: diibaratké Sri Aji Joyoboyo mumpuni nujum ing Kadhiri, lambang waspada
- Kembang Melati: kembang nasional (Kembang Pusaka Indonésia,) duwé godhong lima yaiku ing lambang Pancasila
- Beras lan Kapas: lambang kamakmuran
- Dewi Kilisuci: lambang wong kang ora mentingaké dhèwèké dhéwé. Labuh marang nagara lan rakyat
- Pitah, ana tulisan "Djojo ing Bojo": piranti kang dadi panyambung, lambang nyarujuk dadi siji
- Suwiwi ana wuluné, cacahé 17 lan 8, buntut ana wulu 4 lan 5: lambang Proklamasi Kamardhékaan Bangsa Indonésia [1]
Géografi
[besut | besut sumber]Kadhiri kuta kang ana ing pèrènging Kali Brantas. Wates-wates Kutha Kadhiri yaiku; wates lor ana Kabupatèn Kadhiri, wates Kidul ana Blitar-Tulungagung, wates wétan ana Malang, wates kulon ana Nganjuk. Kadhiri iku kutha kang ngapit Kali Brantas, mula diarani kaya duwé rong pérangan yaiku Kadhiri Kulon Kali lan Kadhiri Wétan Kali. Yén miturut pétungan géografis, Kadhiri dumunung ing 111,05°-112,03° Bujur wétan lan 7,45°-7,55° Lintang kidul
Pamaréntahan
[besut | besut sumber]Tujuwan lan Cara
[besut | besut sumber]Tujuwan pamarintah Kutha Kadhiri yaiku; "Mbangun Kutha Kadhiri dadi Luwih Apik ing Ngarsa"
Kanggo ngawujudake tujuan kang mau ing dhuwur, ana peranganing cara kang dari titiane papréntahan, kaya ta:
- Ngawujudaké kutha kang resik, lan warga takwa nganggo kemanusiaan uga pangaturan kang efektif, irit, lan terus-terusan.
- Ngawujudaké kutha lan warga kang sugeng ngangggo pangaturan lan olah laladan (pabrik usaha, dagang, jasa, papan, lan prangkat kanggo wong akèh) uga ngundhakaké kasejahteraan.
- Ngawujudaké kutha lan warga kang narik, aman, lan tentrem ing warga kutha, donyo usaha, uga laladan liyané.
- Ngawujudaké kutha lan warga kang swatantra, apik, duwèni akal kang anyar, nganggo mberdoyo warga uga ngundhakaké makarya wong papréntahan.
Kutha Kadhiri katata saka 3 kacamatan, 46 kalurahan. Kacamatan-Kacamatan ing kutha Kadhiri yaiku:
Ékonomi & Sosial
[besut | besut sumber]Kutha iki ngembangaké kualitas ing péranganing aspek. Saka pagulawentahan, sarana rekréasi, papréntahan, nganti ulah raga.
Ing sarana wisata, kutha iki duwé akèh papan wisata kaya ta blumbang (patirtan), Guwa, Taman Sekartaji nganti musèum. Kejaba iku, kutha Kadhiri uga nawarké dalan kang mligi kanggo rékréasi kaya ta dalan Dhoho, dalan Pattimura (punjering olèh-olèh), dalan Taman Sekartaji lan dalan Lèdjén Soeprapto (dalanan stadion Brawijaya).
Dalan Dhoho iku salah sajining dalan punjer ékonomi kutha Kadhiri. Ning kana ana atusan toko kang nawarké rena-renane klambi, tas, sepatu, jinising toko kaca mripat, obat-obat nganti piranti mangsak. Anggoné buka toko saka jam 08.00 isuk nganti jam 21.00 bengi. Bubar toko-tokoné tutup, dalan Dhoho ora banjur sepi, amarga èmpèran toko wiwit dibuka kanggo dhasaran wong bakul pecel tumpang (panganan kas Kadhiri). Yèn diitung-itung, cacahé warung pecel tumpang kang ana ing Dalam Dhoho nganti atusan. Lumrahé warung-warung iku tutup jam 24.00 nganti 02.00 isuk, gumantung entèk durungé dhagangan. Kajaba iku, dalan Dhoho uga dipepaki karo papan panginepan (hotèl), cacahé hotèl ing dalanan kang ora patia dawa iku nganti ana telu (3). Yèn Yogyakarta duwé dalan Malioboro, semana uga Kadhiri kang duwé dalan Dhoho. Kaya mangkono, kahanané dalan Dhoho kang ora tau turu, mesthi ramé lan digawé jujugan wisatawan saka kutha liyan.
Dalan Pattimura dalan kang diarani punjering olèh-olèh kas Kadhiri. Dalan iki dikebaki karo bakul Gethuk Gedhang, Tahu Takwa (Tahu Kuning), Stik Tahu, lan liya-liyané. Dalanan iki uga ora tau sepi, masia ora ramé banget kaya dalan Dhoho. Wong kang nguwasani toko-toko ing Pattimura akèh saka turunané Cina. Yasan-yasan tokoné uga isih kaya yasan \bkuna\b Cina.
Dalan Lètjén Soeprapto (dalanan Stadion Brawijaya). Dalan iki dadi punjering suporter PERSIK (Persatuan Sepak Bola Kadhiri) Kadhiri. Pèrènging dalan iki dikebaki toko, sekolahan, rumah toko lapangan bal-balan, partirtan Tirtoyoso, lan partirtan Kowak. Dalan iki ora tau sepi, uga amarga kanggo dalan nyambungké Kadhiri Kutha lan kabupatèn.
Dalan Taman Sekartaji yaiku dalan senengané bocah nom-noman. Dalan iki gawé kepénak wong nongkrong, amarga ora patia ramé uga ana bebakulan jagung bakar. Wis adaté bocah nom-noman Kadhiri nongkrong ning dalanan iki nganti bengi.
Deleng uga
[besut | besut sumber]Pranala njaba
[besut | besut sumber]- Situs wèb resmi Archived 2008-03-02 at the Wayback Machine.
Artikel iki minangka artikel rintisan. Kowé bisa ngéwangi Wikipédia ngembangaké. |
- ↑ "Lambang Kutha Kedhiri". Diarsip saka sing asli ing 2012-08-29. Dibukak ing 2012-09-25.