Brandon De Angelo
Brandon De Angelo | |
---|---|
![]() Brandon De Angelo Supermi | |
Asma wiyosan | Brandon De Angelo |
Miyos | ![]() | Novèmber 10, 2001
Pakaryan | Penari |
Taun aktif | 2010-saiki |
Brandon De Angelo (lair ing Surabaya, Jawa Timur, 10 Novèmber 2001; umur 22 taun) dhèwèké iku penari kang miwiti kondhang ning masarakat amarga meluacara adu bakat ning Indonésia Mencari Bakat kang dibabarake ing televisi swasta.[1] Kondhang ning masarakat Indonésia kanthi jeneng Brandon IMB.[1] Brandon uga kondhang karo jeneng Brandon de Angelo déning fansé kang akehé nganti jutaan kang ngakuni nggabung karo fans club kang ditujukaké kanggo njurung Brandon, fans club iku arané Brandonizer.[1]
Ing acara Indonesia Mencari Bakat, Brandon kang umuré isih 8 taun bisa nggawe para juriné kesengsem lan bisa nggawe seneng para pemiarsa ing kabèh daerah ing Indonésia amarga kaprigelané njoged hip-hop kaya ta penari professional diwasa.[1] Karo èksprèsi, obahan, lan tèhnik kang apik banget, Brandon bisa lumebu nganti tekan babak final bebarengan karo finalis-finalis liyané kang umuré luwih tuwa saka dhèwèké.[1] Brandon De Angelo iku peserta ajang pencarian bakat saka Surabaya, bebarengan karo finalis-finalis liyané, kaya ta Klantink lan Fay Nabila.[1] Nganti awal sasi Agustus taun 2010, Brandon isih ana usaha kang mantep kanggo meluni babak final karo panjurung para fansé kang setia.[1]
Ning taun 2011 pasé ning sasi Juni, Brandon de Angelo kang wis akèh éntuk tawaran kanggo modhel iklan produk-produk ning Indonésia.[2] Dhèwèké éntuk tawaran kanggo mainaké peran ning filem kang irah-irahané Langit Biru.[2] Brandon manfaataké wektu preinané kanggo kagiyatan syuting, manawa ora lagi prei dhèwèké njaluk idin maring sekolahané.[2] Ora namung aktif ing sekolah, dhèwèké uga ngisi kagiyatané kaya gladhèn njoged.[2] Dhèwèké duwé kepinginan bisa dadi penari kang bisa go internasional.[2]
Cathetan suku
[besut | besut sumber]
![]() | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |