Cynthia Maramis
Cynthia Maramis | |
---|---|
![]() | |
Pakaryan | penyanyi, aktris, pulitikus |
Taun aktif | 1980-1998 dan 7 April 2010-sekarang |
Bojo | Adrian Tapada, SE (prosès cerai) |
Anak | Samuel, Joseph, Avraham |
Cynthia Peggy Maramis utawa kang kondhang kanthi jeneng Cynthia Maramis lair ing Jakarta, 4 Juni 1966; umur 58 taun) iku salah siji penyanyi, juru main sinétron, lan pulitikus Indonésia.[1] Cynthia Maramis dikenal dadi artis ing taun 1980-1998.[1] Cynthia iku anak nomer siji saka sadulur kang cacahé lima.[1] Cynthia Maramis iku anak saka pasangan Hendrick Maramis lan Bertha Pauline Huppe.[1] Cynthia Maramis tau digosipaké nduwéni gayutan mirunggan karo Laksamana (Purn) Soedomo kang tau njabat dadi Ketua Dewan Pertimbangan Agung (DPA).[1] Nanging sawisé kaping pirang-pirang ngrancang pernikahan mesthi ora sida.[1] Nalika sasi Januari 2003, Cynthia nikah karo Adrian Tapada, SE.[1] Acara pernikahané dirahasiakna lan ora ngerti médhia, mung wong cedhak kang ngerteni anané pernikahan iki.[1] Saka pernikahan iki, Cynthia Maramis nduwé anak kang cacahé telu ya iku Samuel, Joseph, lan Avraham.[1] Cynthia lan kluwargané manggon ing salah sijiné apartemen ing Jakarta Kulon.[1] Sawisé omah-omah suwené pitung taun, nalika akir Dhésèmber taun 2010, Cynthia pisah kanthi apik-apikan karo bojone kanthi alasan wis rumangsa ora cocog manèh.[1] Cynthia pancén seneng nyanyi wiwit SMP lan sangsaya ngrembaka bakaté nalika Sekolah Menengah Atas.[1] Nalika iku Cynthia wis nggawé album pop Indonesia produksi DS Record lan Win Record.[1] Nalika taun 1986, Cynthia nggawé album karyané A. Riyanto (alm) kang judhulé Air Mata Rindu.[1] Nalika taun 1994, Cynthia Maramis main sinétron kang judhulé Untukmu Segalanya I lan ditayangké ing RCTI.[1] Cynthia uga tau nyanyi lagu kang judhulé Perasaan Wanita kang diciptaké karo Maxie Mamiri.[2]
Cathetan suku
[besut | besut sumber]
Artikel iki minangka artikel rintisan. Kowé bisa ngéwangi Wikipédia ngembangaké. |