ჰოჯკინმა გააუმჯობესა რენტგენოლოგიური კრიტალოგრაფია, მეთოდი, რომლითაც ბიომოლეკულების სამგანზომილებიანი განსაზღვრა ხდება. მის ყველაზე დიდ აღმოჩენად ითვლება პენიცილინის სტრუქტურის დადასტურება, რომელზეც იდეის დონეზე საუბრობდნენ ერნესტ ჩეინი და ედვარდ აბრამი. მეორე მისი ყველაზე ცნობილი აღმოჩენაა ვიტამინ B12-ის სტრუქტურის აღმოჩენა, რის საფუძველზეც ჰოჯკინი ნობელის ლაურეატი გახდა.
1969 წელს, 35 წლიანი მუშაობის შემდეგ ჰოჯკინმა გაშიფრა ინსულინის სტრუქტურა. რენტგენოლოგიური კრისტალოგრაფია ფართოდ გავრცელებული მეთოდი გახდა და არაერთი მოლეკულის სტრუქტურის გამოკვლევას დაუდო საფუძველი. ჰოჯკინი ბიომოლეკულების რენტგენოლოგიური კრისტალოგრაფიის ერთ-ერთი პიონერი იყო.
პენიცილინის სტრუქტურა, რომელიც დოროთი ჰოჯკინმა 1945 წელს აღმოაჩინა.
დოროთი ჰოჯკინი დაიბადა ეგვიპტის ქალაქ კაიროში, არქეოლიგისა და მეცნიერის, ჯონ ვინტერ კროუფუტის (1873-1959) და გრეის კროუფუტის (1877–1957), ასევე არქეოლოგისა და ანტიკური ეგვიპტური ქსოვილების ექსპერტის ოჯახში.
1921 წელს შევიდა სერ ჯონ ლემან გრამერის უმაღლეს სკოლაში. ამ დროს ის ინგლისში იმყოფებოდა, მარტო და მშობლებისგან მოწყვეტილი, რომლებიც ეგვიპტეში აგრძლებდნენ მუშაობას. უმაღლესი განათლება მიიღო ოქსფორდის უნივერსიტეტში. ფილოსოფიის დოქტორის ხარისხის მოსაპოვებლად ისწავლა კემბრიჯის ნიუჰემის კოლეჯში, მისი მასწავლებელი ჯონ ბერნალი[31] იყო. ცხოვრების ამ ეტაპზე ის ცნობილი გახდა რენტგენოლოგიური კრისტალოგრაფით ცილების სტრუქტურის დადგენაში, მასწავლებელთან ერთად ეს მეთოდი პირველად გამოიყენა პეფსინის სტრუქტურის შესასწავლად.[32].
1933 წელს ის დაჯილდოვდა სამერვილის კოლეჯის სტიპენდიით, 1934 წელს დაბრუნდა ოქსფორდში. 1936 წელს კოლეჯში დაიწყო ქიმიის სწავლება და 1977 წლამდე მასწავლებლის პოსტი ეკავა. მისი ერთ-ერთი მოსწავლე იყო ბრიტანეთის მომავალი პრემიერ მინისტრი მარგარეტ ტეტჩერი.[33]
Papers of Dorothy Hodgkin at the Bodleian Library. Catalogues at [1] and [2].
Ferry, Georgina (1998). Dorothy Hodgkin A Life. London: Granta Books.
Dodson, Guy; Glusker, Jenny P.; Sayre, David (eds.) (1981). Structural Studies on Molecules of Biological Interest: A Volume in Honour of Professor Dorothy Hodgkin. Oxford: Clarendon Press.
Glusker, Jenny P. in Out of the Shadows – Contributions of 20th Century Women to Physics.
Wolfers, Michael (2007). Thomas Hodgkin – Wandering Scholar: A Biography. Monmouth: Merlin Press.
Hudson, Gill (1991). "Unfathering the Thinkable: Gender, Science and Pacificism in the 1930s". Science and Sensibility: Gender and Scientific Enquiry, 1780–1945, ed. Marina Benjamin, 264–286. Oxford: Blackwell.