რუსეთის გერბი
რუსეთის გერბი | |
---|---|
![]() | |
დეტალები | |
დამტკიცდა | 1993 წლის 30 ნოემბერს |
ფარი | მეწამული, მასზე გამოსახულია ორთავიანი, სამგვირგვინოსანი ოქროსფერი არწივი, ერთ კლანჭში სკიპტრით, მეორეში კი სამეფო სფეროთი. არწივის მკერდზე გამოსახულია მცირე ჰერალდიკური ფარი, რომელიც ასახავს შავი გველეშაპის განმგმირავ თეთრ ცხენზე ამხედრებულ ლაჟვარდისფერმოსასხამიან თეთრ მხედარს. |
რუსეთის გერბი (რუს. Герб России) — რუსეთის სახელმწიფო სიმბოლო დროშასა და ჰიმნთან ერთად.
იგივე ჰერალდიკურ სიმბოლოებზე დაფუძნებული გერბი გამოიყენებოდა ჯერ კიდევ XIV-XV საუკუნეებიდან. ის წარმოადგენდა რუსეთის იმპერიის გერბის ძირითად ნაწილსაც. 1918 წლიდან რუსეთის სფსრ-ში გამოიყენებოდა საბჭოური სიმბოლოებით შექმნილი გერბი. ძველი გერბი, თუმცა მნიშვნელოვანი ცვლილებებით აღდგა 1993 წლის 30 ნოემბერს.[1]
ისტორია
[რედაქტირება | წყაროს რედაქტირება]რუსეთის იმპერიის გერბი ცენტრალიზებული სახელმწიფოს შექმნის პერიოდში გაჩნდა. იგი შედგებოდა ორი ძირითადი გამოსახულებისაგან (ემბლემისაგან): გველეშაპის განმგმირავი შუბოსანი მხედრისა (XIV საუკუნის დასასრულიდან) და ორთავიანი არწივისაგან (XV საუკუნის დასასრულიდან). ეს გამოსახულებები აღბეჭდილი იყო მოსკოვის დიდი მთავრებისა და მეფეების ბეჭდებზე. ალექსი I მიხეილის ძის მეფობის დროს (1645-1676) სახელმწიფო გერბი იყო ფრთებშემართული სამგვირგვინოსანი ორთავიანი არწივი, რომელსაც მკერდზე მოსკოვის გერბი (მხედარი) ჰქონდა, ბრჭყალებში კი სკიპტრა და სამეფო სფერო ეკავა. ანდრია პირველწოდებულის ორდენის დაწესების (1698) შემდეგ მხედრისგამოსახულებიან ფარს შემოვლებული ჰქონდა ორდენის ჯაჭვი. ეკატერინე I-ის მეფობის დროს (1725-1727) დაადგინეს გერბის ფერები — ყვითელ ფონზე შავი არწივი, წითელ ფონზე მხედარი. 1730 წელს დამტკიცდა გერბის სურათი, რომლის აღწერილობაში მხედარს პირველად ეწოდა წმინდა გიორგის (გიორგი ძლევამოსილის) სახელი.
XIX საუკუნის მეორე მეოთხედიდან ორთავიან არწივს გამოსახავდნენ ფართოდ გაშლილი ფრთებით, მარჯვენა კლანჭში ფრინველს ლენტებჩაწნული ელვის ისრები და ჩირაღდანი ეჭირა, მარცხენაში — დაფნის გვირგვინი. 1832 წლის ბრძანებულებით არწივის ფრთებზე გამოსახავდნენ ყაზანის, ასტრახანის, ციმბირის, აგრეთვე პოლონეთისა და ტავრიდის სამეფოთა და ფინეთის დიდი სამთავროს გერბებს. 1832 წელს დამტკიცდა რუსეთის სახელმწიფოს დიდი გერბი, მასზე გამოსახული იყო მრავალი ჰერალდიკური დეტალი, საფუძვლად კი ორთავიანი არწივი დარჩა მკერდზე მოსკოვის გერბით. 1917 წლის თებერვლის რევოლუციის შემდეგ დროებითმა მთავრობამ სახელმწიფო ემბლემად ორთავიანი არწივი შეინარჩუნა, თუმცა მას დაშვებული ფრთებით, გვირგვინის, მხედრის, კვერთხისა და სამეფო სფეროს გარეშე გამოსახავდნენ.
გალერეა
[რედაქტირება | წყაროს რედაქტირება]-
ივანე III-ის ბეჭედი, 1472 წ.
-
ივანე IV-ის ბეჭედი, 1539 წ.
-
1800 წ. დიდი გერბი
-
1825 წ. პირველი ვარიანტი
-
1830 წ. მეორე ვარიანტი
-
1882 წ. დიდი საიმპერიო გერბი
-
1883 წ.მცირე გერბი
-
1917 წ. დროებითი მთავრობის გერბი
იხილეთ აგრეთვე
[რედაქტირება | წყაროს რედაქტირება]ლიტერატურა
[რედაქტირება | წყაროს რედაქტირება]- ქართული საბჭოთა ენციკლოპედია, ტ. 3, თბ., 1978. — გვ. 96-97.
რესურსები ინტერნეტში
[რედაქტირება | წყაროს რედაქტირება]- flag.kremlin.ru — რუსეთის სახელმწიფო სიმბოლოები
- www.rossimvolika.ru დაარქივებული 2010-09-29 საიტზე Wayback Machine.
- www.gov.ru
სქოლიო
[რედაქტირება | წყაროს რედაქტირება]
|
- Pages with image sizes containing extra px
- რუსეთის ეროვნული სიმბოლოები
- სახელმწიფო გერბები
- გერბები წმინდანების გამოსახულებით
- გერბები ცხენის გამოსახულებით
- გერბები დრაკონის გამოსახულებით
- გერბები არწივის გამოსახულებით
- გერბები გვირგვინის გამოსახულებით
- გერბები სკიპტრის გამოსახულებით
- გერბები ჯვრის გამოსახულებით
- გერბები სფეროს გამოსახულებით