ფერენც (ფრანც) ლისტი — რომანტიზმის ეპოქისუნგრელიკომპოზიტორი, ვირტუოზი პიანისტი და პედაგოგი. ექვს ათწლეულზე მეტ დროში შექმნილი ნამუშევრებით, იგი მიიჩნევა თავისი ეპოქის ერთ-ერთ ყველაზე გავლენიან და ნაყოფიერ კომპოზიტორად და დღემდე პოპულარულია თანამედროვე საფორტეპიანო რეპერტუარში. ლისტმა, როგორც პიანისტმა, თავისი ვირტუოზული შესაძლებლობებით ევროპაში სახელი ადრეულ მეცხრამეტე საუკუნეში გაითქვა. იგი იმ დროისთვის უკვე მიიჩნეოდა ყველა დროის ერთ-ერთი საუკეთესო პიანისტად. 1830-იან და 1840-იან წლებში ლისტი ევროპაში კონცერტების ჩასატარებლად მოგზაურობდა და ხშირად ქველმოქმედებისთვის უკრავდა. ცხოვრების ამ პერიოდში, ლისტმა თავისი გამორჩეული შესრულებითა და ფიზიკური მიმზიდველობით რეპუტაცია შეიქმნა. მისმა თაყვანისმცემლებმა გამოავლინეს ისტერიული ქმედებებისა და რეაქციის ფენომენი, ლისტომანია, რაც მისი წინამორბედი ვირტუოზების შემთხვევაში არასდროს მომხდარა. როდესაც ადრეული შემსრულებლები მხოლოდ ზედა კლასს ემსახურებოდნენ, ლისტმა მოიზიდა უმეტესწილად უბრალო ადამიანებისგან შემდგარი აუდიტორია. ლისტი მეგობრობდა და მფარველობდა თავისი დროის მრავალ კომპოზიტორს. ლისტი ახალი გერმანული სკოლის ერთ-ერთი ყველაზე გამოჩენილი წარმომადგენელი იყო. მისმა ვრცელმა და მრავალფეროვანმა ნამუშევრებმა გავლენა იქონია მის თანამედროვეებზე და განჭვრიტა XX საუკუნის იდეები და მიმართულებები. ლისტის მუსიკალურ წვლილს შორისაა: სიმფონიური პოემა, თემატური ტრანსფორმაციის შემუშავება, როგორც მუსიკალური ფორმის ექსპერიმენტების ნაწილი, და რადიკალური ინოვაციები ჰარმონიაში. ლისტი ასევე მიიჩნევა მუსიკალური იმპრესიონიზმის მამად.
სტანისლავ პეტროვისტანისლავ პეტროვი (რუს.Станислав Евграфович Петров; დ. 1939) — აწ გადამდგარი რუსი სტრატეგიული სარაკეტო ძალების პოდპოლკოვნიკი, რომელმაც 1983 წლის 26 სექტემბერს მსოფლიო პოტენციური ბირთვული ომისგან იხსნა. ჩათვალა, რომ აშშ-ის ბირთვული ქობინების სატელიტებიდან საბჭოთა კავშირისკენ მოძრაობის კომპიუტერული ანგარიში აშკარა შეცდომა იყო, პეტროვმა, ის რაც ბირთვულ თავდასხმას ჰგავდა, ცრუ განგაშად გამოაცხადა. გაურკვეველია, შემდგომში მან ამ შეცდომის ანგარიში ჩააბარა თუ არა ხელმძღვანელობას. მოგვიანებით დამტკიცდა, რომ კომპიუტერის მონაცემებში სინამდვილეში შეცდომა იყო. სამხედრო საიდუმლოებისა და საერთაშორისო პოლიტიკის გამო, პეტროვის ქმედება 1998 წლამდე საიდუმლოდ ინახებოდა.
.jpg)
