ანა ფერისი
ანა ფერისი | |
---|---|
![]() | |
დაბადების სახელი | ანა კეი ფერისი |
დაბადების თარიღი |
29 ნოემბერი, 1976 ბალტიმორი მერილენდი აშშ |
საქმიანობა |
მსახიობი მომღერალი |
აქტიური | 1991–დღემდე |
მეუღლე(ები) |
ბენ ინდრა (2004–2008) კრის პრეტი (2009-2018) |
შვილ(ებ)ი | 1 |
ანა კეი ფერისი (ინგლ. Anna Kay Faris; დ. 29 ნოემბერი, 1976) — ამერიკელი მსახიობი და მომღერალი. ცნობილია კომედიური როლებით ფილმებში: „ძალიან საშიში კინო“, „თარგმანში დაკარგული“, „ბიჭებს ეს მოსწონთ“, „ჩემი სუპერ ექს-გოგონა“, „რამდენი გყოლია...?“, „დიქტატორი“, „ერთ წელიწადს გაძლევ“ და სხვა.
ბიოგრაფია
[რედაქტირება | წყაროს რედაქტირება]დაიბადა ქალაქ ბალტიმორში. როდესაც 6 წლისა იყო ოჯახთან ერთად საცხოვრებლად ქალაქ ედმონდსში გადავიდა. მამამისი ჯეკ ფერისი მუშაობდა სოციოლოგად ვაშინგტონის უნივერსიტეტში და იყო იმავე უნივერსიტეტის შიდა კომუნიკაციების ვიცე-პრეზიდენტი, ხოლო მოგვიანებით ვაშინგტონის ბიოტექნოლოგიისა და ბიოსამედიცინო ასოციაციის ხელმძღვანელი; დედამისი — კარენი ედმონდსის სკოლის მასწავლებლად მუშაობდა. ფერისს ჰყავს უფროსი ძმა რობერტი, რომელიც პროფესიით სოციოლოგია და არის კალიფორნიის უნივერსიტეტის პროფესორი. ანა ფერისმა 9 წლის ასაკში სიეტლის თეატრში ითამაშა თავისი პირველი როლი. ედმონდსის საშუალო სკოლის დამთავრების შემდეგ ჩააბარა ვაშინგტონის უნივერსიტეტში, სადაც სწავლობდა ლიტერატურას.
1999 წელს მიიღო პირველი მნიშვნელოვანი როლი ფილმში „შეყვარებულთა შესახვევი“. 2000 წელს ითამაშა ფილმში „ძალიან საშიში კინო“. არაერთი ჟურნალის გარეკანზე გამოჩნდა, მათ შორის იყო „Raygun“, „Playboy“, „Self“, „Cosmopolitan“ და სხვა.
2004–2008 წლებში ქორწინებაში იმყოფებოდა ბენ ინდრასთან. 2009 წელს დაქორწინდა კრის პრეტზე. 2012 წელს მათ შეეძინათ ვაჟიშვილი ჯეკი. 2017 წელს დაშორება გადაწყვიტეს, მაგრამ ისინი ოფიციალურად 2018 წლის ოქტომბერში განქორწინდნენ.
რესურსები ინტერნეტში
[რედაქტირება | წყაროს რედაქტირება]შეგიძლიათ იხილოთ მედიაფაილები თემაზე „ანა ფერისი“ ვიკისაწყობში.
- ანა ფერისი კინოფილმების ინტერნეტ-მონაცემთა ბაზაში