ბილ გეიტსი
ბილ გეიტსი Bill Gates | ||||
---|---|---|---|---|
![]() | ||||
დაბადების სახელი | ვილიამ ჰენრი გეიტს III | |||
დაბადების თარიღი |
28 ოქტომბერი, 1955 სიეტლი, ვაშინგტონი, აშშ | |||
რეზიდენცია | მედინა, ვაშინგტონი, აშშ | |||
ეროვნება | ამერიკელი | |||
მოქალაქეობა |
![]() | |||
ალმა-მატერი | ჰარვარდის უნივერსიტეტი (გამოეთიშა) | |||
საქმიანობა |
Microsoft-ის ტექნოლოგიური მრჩეველი ბილ და მელინდა გეიტსის ფონდის თანათავმჯდომარე Cascade Investment-ის აღ.დირექტორი Corbis-ის თავმჯდომარე | |||
აქტიური | 1975-დან დღემდე | |||
მეუღლე(ები) | მელინდა გეიტსი (1994-დან) | |||
შვილ(ებ)ი | 3 | |||
მშობლები |
მამა: უილიამ ჰენრი გეიტსი II დედა: მერი მაქსველ გეიტსი | |||
ჯილდოები |
| |||
სუფთა მოგება | 96.5 მილიარდი აშშ დოლარი (2019)[1] | |||
საიტი | the Gates Notes | |||
ხელმოწერა |
![]() |
უილიამ ჰენრი „ბილ“ გეიტსი (ინგლ. William Henry "Bill" Gates III; 28 ოქტომბერი, 1955, სიეტლი, აშშ) — ამერიკელი ბიზნესმენი, ფილანტროპი, ინვესტორი და კომპიუტერული პროგრამისიტი[2], კომპანია Microsoft-ის დამფუძნებელი. ბილ გეიტსი მსოფლიოში მეორე ყველაზე მდიდარ ადამიანად ითვლება, მისი პირადი კაპიტალი ფორბსისის 2019 წლისთვის შეადგენდა 96.5 მილიარდ აშშ დოლარს.[1] Microsoft-ის წლიური შემოსავალი 2019 წლისთვის იყო 125.8 მილიარდი დოლარი;[3] დასაქმებულია 144,106 ადამიანი მსოფლიოს მასშტაბით.[4]
ადრეული წლები
[რედაქტირება | წყაროს რედაქტირება]ბილ გეიტსი თავის ორ დასთან ერთად ქალაქ სიეტლში გაიზარდა. მამამისი, უილიამ გეიტს II, იყო სიეტლის რწმუნებული, ხოლო დედა, მერი გეიტსი — სკოლის მასწავლებელი და ვაშინგტონის უნივერსიტეტის მმართველთა წევრი. გეიტსის წინაპრები იყვნენ ინგლისური, გერმანული და ირლანდიული წარმომავლობის[5][6].
ბილ გეიტსმა ინტერესი კომპიუტერის მიმართ 13 წლის ასაკში გამოამჟღავნა.
1973 წელს ის ჰარვარდის უნივერსიტეტში ჩაირიცხა[7], მაგრამ ძალიან მალე დატოვა სასწავლებელი და 1975 წელს თავის მეგობარ პოლ ალენთან ერთად დააარსა კომპანია „Microsoft“, რომელიც იქცა პროგრამული უზრუნველყოფის უმსხვილეს მწარმოებელ კომპანიად მსოფლიოში. ისინი დარწმუნებულები იყვნენ, რომ კომპიუტერი მალე გახდებოდა აუცილებელი ატრიბუტი ყველა სამუშაო მაგიდაზე, ოფისებსა და სახლებში.
თავის კარიერის განმავლობაში, გეიტსი კომპანიაში იკავებდა თავჯდომარის, აღმასრულებელი დირექტორისა და მთავარი პროგრამული არქიტექტორის თანამდებობებს და იყო ყველაზე დიდი აუქციონერი 2014 წლის მაისამდე[8]
გეიტსის ხელმძღვანელობის პირობებში „Microsoft“ ყოველთვის მიისწრაფის იმისკენ, რომ გააუმჯობესოს კომპიუტერების პროგრამული უზრუნველყოფა, რათა უფრო ადვილი გახდეს საზოგადოებისათვის მისი გამოყენება.
1999 წელს ბილ გეიტსმა დაწერა წიგნი იმის შესახებ, თუ როგორ შეუძლია კომპიუტერულ ტექნოლოგიებს, გადაწყვიტოს პრობლემები ახლებური მეთოდით. წიგნი 25 ენაზე, 60 ქვეყანაში გამოიცა.
Windows
[რედაქტირება | წყაროს რედაქტირება]პირველი Microsoft Windows-ის ვერსია გამოვიდა 1985 წლის 20 ნოემბერს, ხოლო აგვისტოში Microsoft დაუკავშირდა კომპანია IBM-ს, რომლის მიზანი იყო ახალი ოპერაციული სისტემის, სახელწოდებით OS/2-ის შექმნა. მიუხედავად იმას, რომ მათ წარმატებით შექმნეს ახალი სისტემის პირველი ვერსია, აზრთა სხვადასხვაობამ გამოიწვია ურთიერთობის გაუარესება.
პირადი ცხოვრება
[რედაქტირება | წყაროს რედაქტირება]1994 წლის 1 იანვარს მან მელინდა ფრენჩზე იქორწინა; ჰყავთ სამი შვილი.
ბილ გეიტსი და მისი მეუღლე, ასევე დაკავებულები არიან ქველმოქმედებით, მათ 2005 წელს 28.8 მილიარდი დოლარი გადარიცხეს მსოფლიოს ჯანმრთელობისა და განათლების ფონდში.
გეიტსი გატაცებულია სხვადასხვა ანტიკვარული ნივთების შეძენით. 1994 წელს, აუქციონზე, $30.8 მილიონად შეიძინა ლესტერის კოდექსი, ლეონარდო და ვინჩის ხელნაწერების კოლექცია.[9]. მას ძალიან უყვარს წიგნების კითხვა. იგი, ასევე გატაცებული არის გოლფისა და ტენისის თამაშით[10].
ხანდახან გეიტსი საკუთარ სახლში აწყობს სადილებს. სადილზე დასწრება შეუძლია ნებისმიერ ადამიანს, რომელიც დათანხმდება გადაიხადოს 1 000 000 დოლარი მოსაწვევში. მთელი შეგროვილი თანხა კი დიუკის უნივერსიტეტში ირიცხება, სადაც მისი მეუღლე, მელინდა ფრენჩი სწავლობდა.
ლიტერატურა
[რედაქტირება | წყაროს რედაქტირება]- Fridson, Martin (2001). How to Be a Billionaire: Proven Strategies from the Titans of Wealth. John Wiley & Sons. ISBN 0-471-41617-7.
- Gates, Bill (1996). The Road Ahead. Penguin Books. ISBN 0-14-026040-4.
- Lesinski, Jeanne M. (2006). Bill Gates. A&E Television Networks. ISBN 0-8225-7027-0.
- Manes, Stephen (1994). Gates: How Microsoft's Mogul Reinvented an Industry and Made Himself The Richest Man in America. Touchstone Pictures. ISBN 0-671-88074-8.
- Wallace, James (1993). Hard Drive: Bill Gates and the Making of the Microsoft Empire. New York: HarperCollins Publishers. ISBN 0-471-56886-4.
- Bank, David (2001). Breaking Windows: how Bill Gates fumbled the future of Microsoft. New York: Free Press. ISBN 0-7432-0315-1.
- Rivlin, Gary (1999). The plot to get Bill Gates: an irreverent investigation of the world's richest man... and the people who hate him. New York: Times Business. ISBN 0-8129-3006-1.
რესურსები ინტერნეტში
[რედაქტირება | წყაროს რედაქტირება]- ბილ გეიტსის რჩევები
- ბილ და მელინდა გეიტსის ფონდი
- პროფილი Microsoft-ზე
- ბილ გეიტსი კინოფილმების ინტერნეტ-მონაცემთა ბაზაში
- შენიშვნები — პერსონალური ბლოგი
- ბილ გეიტსი Facebook-ზე
- ბილ გეტსი Twitter-ზე
- ბიოგრაფია Microsoft-ის საიტზე
- ბილ გეიტსი ეკონომიკურ პორტალზე
სქოლიო
[რედაქტირება | წყაროს რედაქტირება]- ↑ 1.0 1.1 Billionaires 2019. Forbes (5 მარტი, 2019). ციტირების თარიღი: 13 მარტი, 2019.
- ↑ Bill Gates (American computer programmer, businessman, and philanthropist). ციტირების თარიღი: 20 მარტი, 2013.
- ↑ Earnings Release FY19 Q4 (18 ივლისი, 2019). დაარქივებულია ორიგინალიდან — 18 ივლისი, 2019. ციტირების თარიღი: 19 ივლისი, 2019.
- ↑ Facts about Microsoft. დაარქივებულია ორიგინალიდან — 19 ივლისი, 2019. ციტირების თარიღი: 18 ივლისი, 2019.
- ↑ Ancestry of Bill Gates. Wargs. დაარქივებულია ორიგინალიდან — 2015-12-26. ციტირების თარიღი: 9 ივნისი, 2010.
- ↑ Scottish Americans. Alba West. დაარქივებულია ორიგინალიდან — 2008-05-11. ციტირების თარიღი: 29 აპრილი, 2009.
- ↑ Gates 1996, p. 15.
- ↑ Sheridan, Patrick (2 მაისი, 2014). „Bill Gates no longer Microsoft's biggest shareholder“. CNN Money. ციტირების თარიღი: 22 აგვისტო, 2014. შეამოწმეთ თარიღის პარამეტრი
|accessdate=
და|date=
-ში (დახმარება) - ↑ (Lesinski 2006, p. 74)
- ↑ „Profile: Bill Gates“. BBC news. 26 იანვარი, 2004. დაარქივებულია ორიგინალიდან — 2012-07-21. ციტირების თარიღი: 1 იანვარი, 2010. შეამოწმეთ თარიღის პარამეტრი
|accessdate=
და|date=
-ში (დახმარება)
- ბრიტანეთის იმპერიის ორდენის რაინდი-კომანდორები
- პრეზიდენტის თავისუფლების მედლის მფლობელები
- დაბადებული 1955
- ამერიკელი მილიარდერები
- ამერიკელი პროგრამისტები
- ამერიკელი ქველმოქმედები
- ამერიკელი გამომგონებლები
- გერმანელი ამერიკელები
- შოტლანდიელი ამერიკელები
- კომპიუტერული ტექნიკის ისტორია
- Microsoft-ის ისტორია
- Microsoft-ის თანამშრომლები
- XX საუკუნის ამერიკელი ბიზნესმენები