ბოლონიის უნივერსიტეტი
ბოლონიის უნივერსიტეტი (იტალ. Università di Bologna, UNIBO) — მსოფლიოში სიძველით მეორე უნივერსიტეტია ბოლონიაში, იტალია. 2000 წლიდან სახელი გადაერქვა და ეწოდება Alma mater studiorum (ლათ. სწავლის დედაბოძი) მსოფლიოში ერთ-ერთი უძველესი უნივერსიტეტის ტიტულის პატივსაცემად.
ისტორია[რედაქტირება | წყაროს რედაქტირება]
უნივერსიტეტი დაარსდა 1088 წელს. ეს თარიღი აღმოაჩინა მე-19 საუკუნეში ისტორიკოსთა კომიტეტმა ჯოზუე კარდუჩის მეთაურობით. გარკვეული მოსაზრებით, ეს დაწესებულება მსოფლიოს უძველეს უნივერსიტეტად მოიაზრება, ვინაიდან სიტყვა „უნივერსიტეტი“ აქ ახსენეს პირველად მისი დაარსებისას.
უნივერსიტეტმა ქარტია მიიღო ფრიდრიხ I ბარბაროსასაგან 1158 წელს. XIII საუკუნეში სტუდენტთა რიცხვი აღწევდა 10 ათასს. XIV-XV საუკუნეებში უნივერსიტეტი ძალზე პოპულარული იყო. თავდაპირველად ისწავლებოდა რომაული და კანონიკური სამართალი. XIV საუკუნეში გაიხსნა ფილოსოფიის, მედიცინის და თეოლოგიის ფაკულტეტები. XV საუკუნეში უნივერსიტეტმა დაკარგა ავტონომია და მოექცა კათოლიკური ეკლესიის გავლენის ქვეშ. XX საუკუნეში დაუთმო პირველობა რომის და ნეაპოლის უნივერსიტეტებს.
ლიტერატურა[რედაქტირება | წყაროს რედაქტირება]
- ქართული საბჭოთა ენციკლოპედია, ტ. 2, თბ., 1977. — გვ. 456.