კოსმოსური ხომალდი

კოსმოსური ხომალდი — ადამიანთა ფრენისათვის განკუთვნილი კოსმოსური საფრენი აპარატი. აქვს კოსმონავტების სიცოცხლის უზრუნველმყოფი სისტემების მქონე ჰერმეტული კაბინა. გეოცენტრულ ორბიტებზე ფრენისათვის გათვალისწინებულ კოსმოსურ ხომალდს თანამგზავრი კოსმოსური ხომალდი ეწოდება, სხვა ციური სხეულებისკენ გაფრენისათვის განკუთვნილს კი — საპლანეტათშორისო (საექსპედიციო) კოსმოსური ხომალდი. არსებობს მრავალჯერადი გამოყენების კოსმოსური ხომალდი, რომელსაც მრავალჯერ გამოიყენებენ დაბალ გეოცენტრულ ორბიტაზე ტვირთისა და ხალხის ტვირთისა და ხალხის მისაყვანად და უკან დასაბრუნებლად. უფრო მაღალ ორბიტებზე გადასვლისათვის გამოიყენებენ ავტომატურ რაკეტა-ბუქსირებს, ხოლო გეოცენტრულიდან სელენოცენტრულ, პლანეტოცენტრულ და სხვა ორბიტაზე გადასასვლელად იქმნება კოსმოსური ხომალდი — ბუქსირების პროექტები.

ლიტერატურა

• ქართული საბჭოთა ენციკლოპედია, ტ. 5, თბ., 1980. — გვ. 695.

რესურსები ინტერნეტში

• NASA: Space Science Spacecraft Missions დაარქივებული 2005-11-08 საიტზე Wayback Machine.
• NSSDC Master Catalog Spacecraft Query Form
• Early History of Spacecraft
• Basics of Spaceflight tutorial from JPL/Caltech
• International Spaceflight Museum