მაკ-მერდოს შელფური მყინვარი
| |
| კოორდინატები: 78° ს. გ. 167° დ. გ. / 78° ს. გ. 167° დ. გ. | |
  |
მაკ-მერდოს შელფური მყინვარი — შელფური მყინვარი ანტარქტიდაში. წარმოადგენს როსის შელფური მყინვარის ნაწილს. ჩრდილოეთით ესაზღვრება მაკ-მერდოს ზუნდი, როსის კუნძული, ხოლო სამხრეთით მინა-ბლაფი. არსებული კვლევებით, მაკ-მერდოს შელფური მყინვარი როსის შელფური მყინარისგან სრულიად განსხვავდება და საკუთარ სახელწოდებას იმსახურებს.[1]
1962–63 წლებში მაკ-მერდოს შელფური მყინვარი გამოიკვლია არტურ ჰაინემ, რომელმაც შემოგვთავაზა როსის კუნძულით, ბრაუნის ნახევარკუნძულით, შავი კუნძულითა და თეთრი კუნძულით შემოზღუდული ტერიტორიის ცალკე გამოყოფა. ანტარქტიდულ სახელწოდებათა საკონსულტაციო კომიტეტმა გაავრცელა არეალი სამხრეთით მინა-ბლაფამდე.[1]
1965–66 წლებში ზედაპირქვეშა ტემპერატურის, სიმჭიდროვისა და ელექტროწინაღობადობის გასაზომად ყინულში სამი ხვრელი გაბურღეს; ამას გარდა, შეგროვდა ფირნის ნიმუშები.[2]
2010 წლის მარტში შელფური მყინვარის ქვედა ნაწილში აღმოაჩინეს ცოცხალი Lysianassidae.[3]
სქოლიო[რედაქტირება | წყაროს რედაქტირება]
- ↑ 1.0 1.1 Fred G. Alberts. Geographic Names of the Antarctic. Second Edition, 1995
- ↑ New Zealand Journal of Geology and Geophysics
- ↑ NASA discovers life hidden 600 feet below Antarctic ice
| იდენტიფიკატორები |
|
|---|
