რობერტ შილერი

რობერტ შილერი
მშობლიური სახელი	Robert James Shiller
დაბ. თარიღი	29 მარტი, 1946-1">[1] (78 წლის)
დაბ. ადგილი	დეტროიტი, მიჩიგანი
მოქალაქეობა	აშშ
საქმიანობა	ეკონომისტი, მწერალი, პედაგოგი და უნივერსიტეტის პროფესორი
მოღვაწეობის სფერო	ეკონომიკა
დამსაქმებელი	იელის უნივერსიტეტი, პენსილვანიის უნივერსიტეტი და მინესოტის უნივერსიტეტი
საერთაშორისო ორგანიზაცი(ებ)ის წევრობა	ხელოვნებისა და მეცნიერების ამერიკული აკადემია და ეკონომეტრიკის საზოგადოება-6">[6]
ჯილდოები	გუგენჰაიმის სტიპენდია-7">[7] , ნობელის პრემია ეკონომიკაში-8">[8] , დოიჩე ბანკის პრემია საფინანსო ეკონომიკაში, ეკონომეტრიკის საზოგადოების წევრი-6">[6] , ამერიკის ხელოვნებისა და მეცნიერების აკადემიის წევრი, Clarivate Citation Laureates-9">[9] და Global Economy Prize-10">[10]
ალმა-მატერი	მიჩიგანის უნივერსიტეტი, მასაჩუსეტსის ტექნოლოგიის ინსტიტუტი, კალამაზუს კოლეჯი და Southfield High School
სამეცნიერო ხელმძღვანელი	ფრანკო მოდილიანი და ჯორჯ აკერლოფი
დოქტორანტი	John Y. Campbell, ტომას პელი, Andrea Frazzini, Adlai Julian Fisher, Gregory David Sutton-11">[11] , Wenzhong Fan-11">[11] , Karin Ann-Margaret Westin-11">[11] , Dengpan Luo-11">[11] , Wooheon Rhee-11">[11] , Thomas Andrew Howard-11">[11] , Se-Jin Kim-11">[11] , Linus Yamane-11">[11] , Stefan Schneeberger-11">[11] , Oliver Detmar Bunn-11">[11] , Chiong-long Kuo-11">[11] , Yuanfeng Hou-11">[11] , Bradford Case-11">[11] და Stefano George Athanasoulis-11">[11]
საცხოვრებელი ადგილი	კონექტიკუტი
ხელმოწერა
საიტი	econ.yale.edu/~shiller
	რობერტ შილერი ვიკისაწყობში

რობერტ შილერი (ინგლ. Robert James "Bob" Shiller, დ. 29 მარტი 1946, დეტროიტი, მიჩიგანის შტატი, აშშ^[12]) — ამერიკელი მეცნიერ-ეკონომისტი, ეკონომიკის შესახებ არსებული მრავალი წიგნის ავტორი. MacroMarkets LLC-ის მთავარი ეკონომისტი. ამჟამად არის სტერლინგის პროფესორი ეკონომიკის დარგში და ასწავლის იელის უნივერსიტეტში. ასევე არის იელის საერთაშორისო ცენტრის მეცნიერ-თანამშრომელი ფინანსების განხრით იელის მენეჯმენტის სკოლაში. 2013 წელს მიენიჭა ნობელის პრემია ეკონომიკაში.

ცნობილია თავისი მოღვაწეობით აქტივების ფასების თეორიაში. წიგნის „ირაციონალური სწრაფი ზრდა“ (Irrational Exuberance) ორ სხვადასხვა გამოცემაში სწორად იწინასწარმეტყველა და აღწერა თავდაპირველად ე.წ. „დოტკომ ბუშტი“ (dot-com bubble), ხოლო შემდგომ – უძრავი ქონების ბუშტი. 2000 წლის გამოცემაში მან ხაზი გაუსვა გარემოებას, რომ სააქციო ბაზრები გადაფასებული იყო და ბუშტის გასკდომა უახლოეს მომავალში გარდაუვალი იქნებოდა – რაც მოხდა კიდეც წიგნის გამოქვეყნებიდან რამდენიმე დღეში. 2005 წლის გამოცემაში ყურადღება მიაქცია იმ ფაქტს, რომ აშშ-ში ბევრგან მედიანური შემოსავალი 6–9-ჯერ ნაკლები იყო, ვიდრე უძრავი ქონების მედიანური ფასები, ხოლო უძრავი ქონების ინფლაციაზე კორექტირებული ფასების ამონაგები წელიწადში 1%-ზე ნაკლები იყო. ამ ინფორმაციაზე დაყრდნობით მან იწინასწარმეტყველა უძრავი ქონების ბუშტის სწრაფი გასკდომა. 2007-2008 წლებში ასეც მოხდა, რამაც მნიშვნელოვანი ტრიგერის როლი ითამაშა 2008- 2009 წლების გლობალურ ფინანსურ კრიზისში. შილერის ნაშრომები მოიცავს მრავალ თემას ბიჰევიერისტული ფინანსებიდან რისკმენჯმენტამდე. ის დღევანდელობის 100 ყველაზე გავლენიანი ეკონომისტის რიცხვში შედის.^[13]