სერანგი
თემა
სერანგი (ინდონ. Kota Serang) — ქალაქი ინდონეზიაში, ბანტენის პროვინციის დედაქალაქი და სერანგის სარეგენტოს ადმინისტრაციული ცენტრი. მდებარეობს პროვინციის ჩრდილოეთ ნაწილში. ქალაქზე გაივლის ჯაკარტა–მერაკის დამაკავშირებელი გზატკეცილი.
სერანგის კლიმატი ეკვატორულია, რომელსაც მშრალი სეზონი არ გააჩნია.[2] გასასვლელი აქვს იავის ზღვაზე.
2010 წლის აღწერის მონაცემებით, სერანგის მოსახლეობა 576 961 ადამიანია[3] და წარმოადგენს ბანტენის პროვინციის მესამე ყველაზე ხალხმრავალ ქალაქს. მდებარეობს დიდი ჯაკარტის აგლომერაციიდან 15 კმ–ში და ზოგჯერ მის შემადგენელ ნაწილადაც მოიაზრებენ.