სექსტ იულიუს აფრიკანუსი
იულიუს აფრიკანუსი (ბერძნ. Ιούλιος Αφρικανός, ლათ. Sextus Julius Africanus), ან სექსტ იულიუს აფრიკანუსი (დ. 160, იერუსალიმი — გ. 240) — II საუკუნის დასასრულისა და III საუკუნის დასაწყისის ქრისტიანი მოგზაური და ისტორიოგრაფი. დიდი გავლენა იქონია ევსები კესარიელზე. ცნობილია მისი მიმოწერა ორიგენესა და არისტიდესთან ბიბლიოლოგიურ საკითხებთან დაკავშირებით.
შემოქმედება[რედაქტირება | წყაროს რედაქტირება]
იულიუს აფრიკანუსმა დაწერა ხუთი ტომისგან შედგენილი „ქრონოგრაფია.“ ნაშრომი მოიცავს ქრონოლოგიას დაბადების წიგნიდან ახ. წ. 221 წლამდე. გამოთვალა პერიოდი „დაბადებიდან“ ქრისტეს შობამდე, რამაც 5500 წელი შეადგინა „ქრონოგრაფიის“ ისტორიას, რასაც აპოლოგეტური მიზანი ჰქონდა, ჩვენამდე სრული სახით არ მოუღწევია. ფრაგმენტებადაა შემონახული ევსები კესარიელის „ეკლესიის ისტორიაში“. ევსებიმ მისი თხზულება გამოიყენა ადრეული პერიოდის ეპისკოპოსთა სიის შედგენისას. აფრიკანუსის თხზულებებს იყენებენ ასევე გიორგი სინგელოსი, გიორგი კედრენე და სხვა ავტორები.
იულიუს აფრიკანუსი ორიგენესა და არისტიდესთან დაახლოებული პირი იყო და შემოგვრჩა მისი ორი წერილი მათთან. ორიგენესთან გაგზავნილ წერილში ამტკიცებს, რომ დანიელის წიგნში არსებული სუსანას ამბავი გვიანდელი ინტერპოლაციის შედეგია[8], ხოლო არისტიდეს ეკამათება[9] იესო ქრისტეს გენეალოგიის შესახებ (არისტიდეს ეს წერილი ფრაგმენტებად, ევსები კესარიელის თხზულებაშია შემონახული).