სკოტები
სკოტები — კელტური ტომების ჯგუფი. პირველად იხსენიებიან გვიანდელი რომაული ხანის მწერლებთან რომის პროვინცია ბრიტანიაზე სკოტებისა და პიქტების თავდასხმებთან დაკავშირებით. თავდაპირველად ირლანდიაში ცხოვრობდნენ, ამიტომ რომაულ წყაროებში ირლანდიის ერთ-ერთი სახელწოდებაა სკოტია. მოგვიანებით სკოტების ნაწილი ბრიტანიის ჩრდილოეთში გადასახლდა, დაიპყრო პიქტები და დააარსა შოტლანდიის სამეფო.
ლიტერატურა
[რედაქტირება | წყაროს რედაქტირება]- ქართული საბჭოთა ენციკლოპედია, ტ. 9, თბ., 1985. — გვ. 429.