ცინცინატი
ცინცინატი[4] (ინგლ. Cincinnati) — ქალაქი აშშ-ის აღმოსავლეთ ნაწილში, ოჰაიოს შტატში. ჰამილტონის ოლქის ადმინისტრაციული ცენტრი. ქალაქი მდებარეობს ოჰაიოს შტატის სამხრეთ-დასავლეთით მდინარე ოჰაიოს ნაპირას, ოჰაიო-კენტუკის საზღვართან.
302 605 მცხოვრებით (2018, შეფასება) ცინცინატი არის სიდიდით მესამე ქალაქი ოჰაიოს შტატში (კოლუმბუსის და კლივლენდის შემდეგ) და 65-ე ქალაქი აშშ-ში.[5]
ნავსადგური მდინარე ოჰაიოზე. სარკინიგზო და საავტომობილო გზების კვანძი. აშშ-ის დიდი სამრეწველო, სავაჭრო-საფინანსო და კულტურული ცენტრი. განვითარებულია მანქანათსაშენი, ლითონდასამუშავებელი, ქიმიური და კვების მრეწველობა. ცინცინატი ჩარხთმშენებლობის, ელექტროტექნიკური და რადიოელექტრონული მრეწველობის, ავიაძრავების, რაკეტების, საყოფაცხოვრებო ხელსაწყოებისა და მანქანების, სამრეწველო მოწყობილობების წარმოების ერთ-ერთი წამყვანი ცენტრია. ავეჯისა და ქაღალდის მრეწველობა, პარფიუმერიის, მედიკამენტების წარმოება.[4]
ქალაქში არის უნივერსიტეტი, ზოოპარკი (აშშ-ში სიძველით მეორე[6]). ცინცინატი დაარსდა 1788 წელს.[4]