Cocytus

Cocytus^[1] (Graece Κωκυτός, a verbo κωκύω, "fleo") in fabulis Graecis est fluvius inferorum, qui ex Styge profluens cum Pyriphlegethonte in Acherontem fluit^[2]. Fluvius fabulosus appellatus est ex Cocyto fluvio qui in Thesprotia regione Epiri prope Necyomanteum in Acherontem fluit.

Vergilius variis locis in Aeneide mentionem Cocyti facit:

tenent media omnia silvae,
Cocytusque sinu labens circumvenit atro.^[3]
…
Hinc via Tartarei quae fert Acherontis ad undas.
turbidus hic caeno vastaque voragine gurges
aestuat atque omnem Cocyto eructat harenam.^[4]
…
Anchisa generate, deum certissima proles,
Cocyti stagna alta vides Stygiamque paludem,
di cuius iurare timent et fallere numen.^[5]
…
illa autem attollit stridentis anguibus alas
Cocytique petit sedem supera ardua linquens.^[6]

Notae

↑ Cōcȳtus vel Cōcȳtos, m. Thesaurus Linguae Latinae (1900– ), apud De Gruyter; Oxford Latin Dictionary ed. P. G. W. Glare (Oxonii: Clarendon Press, 1968–1982).
↑ Geographiam tamen inferorum diversam invenies apud Platonem, Phaedo 113b-c.
↑ Publius Vergilius Maro, Aeneis, 6.131–32.
↑ Ibid., 6.295–97.
↑ Ibid., 6.322–24.
↑ Ibid., 7.561–62.

Bibliographia

Schlapbach, Karin et Strauch, Daniel. "Cocytus". In Brill's New Pauly, editione interretiali. 2006.

Nexus externi

Vicimedia Communia plura habent quae ad Cocytum spectant. (hic nexus fractus videtur)

[1] Cōcȳtus vel Cōcȳtos, m. Thesaurus Linguae Latinae (1900– ), apud De Gruyter; Oxford Latin Dictionary ed. P. G. W. Glare (Oxonii: Clarendon Press, 1968–1982).

[2] Geographiam tamen inferorum diversam invenies apud Platonem, Phaedo 113b-c.

[3] Publius Vergilius Maro, Aeneis, 6.131–32.

[4] Ibid., 6.295–97.

[5] Ibid., 6.322–24.

[6] Ibid., 7.561–62.

[1]

[2]

[3]

[4]

[5]

[6]